Refugjati i krishterë rrahet brutalisht në kampin e refugjatëve në Gjermani (Foto)

nga **Agim Gashi** Wed Oct 21, 2015 3:59 pm

Refugjati i krishterë rrahet brutalisht në kampin e refugjatëve në Gjermani (Foto)

Një emigrant u sulmua brutalisht në një kamp refugjatësh pasi u konvertua në fenë krishtere. 24 vjeçari u godit me shufër hekuri nga një afgan, pasi ky i fundit deklaroi se konvertimi i tij ishte mëkat.

Sipas Express.co.uk, sulmi e la viktimën me lëndime serioze. Besohet se ai u tha disa emigrantëve afganë se i është bashkuar fesë katolike.
Raportohet se viktima mbeti pa vetëdije si rezultat i sulmit në të cilin intervenuan 15 deri në 20 persona që ta largojnë sulmuesin.
Zyrtarët në Hamburg të Gjermanisë kanë nisur një hetim rreth incidentit.
Kjo nuk është hera e parë që dhuna ka eskaluar në kampet e refugjatëve si rrjedhojë e debateve rreth fesë.
Në muajin gusht, u bënë trazira në kampin e refugjatëve në Gjermani pasi një banor afgan grisi fletët e Kuranit dhe i gjuajti ato në tualet.
Të paktën 17 persona mbetën të lënduar kur 20 sirianë refugjatë ndoqën burrin pasi shkatërroi librin islam.
Turma e shfaqi zemërimin e tyre ndaj rojeve të sigurimit në kamp, të cilët tentuan ta mbronin personin që ata e kërkonin.
Emigrantët thyen xhamat e veturave, plaçkitën ndërtesat dhe shkatërruan muret, të cilat ndajnë strehimoren në Suhl, Thuringia, në një tërbim, që zgjati disa orë./lajmi.net.

TEMAT:

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30