Qëndrim Gashi: Bërlloku akademik e shkarkoi rektorin

nga **Agim Gashi** Thu Oct 22, 2015 5:00 pm

Qëndrim Gashi: Bërlloku akademik e shkarkoi rektorin

Ish-profesori i UP'së, Qëndrim Gashi, i cili ishte në krah të Ramadan Zejnullahut, tashmë ish-rektor i UP'së për reformat e tij në universitet, ka shkruar në llogarinë e tij në Facebook një postim ku e falënderon Zejnullahun për punën e deritashme.
Gashi thotë se vendimi i sotëm i Këshillit Drejtues e sulmoi progresin e UP'së.
“Në vendimin e sotëm që sulmoi progresin në UP kishte edhe të tillë që i takojnë grupit të ashtuquajtur "pragmatik", që kërkon rezistencë ndaj të keqes veç kur ajo nuk ua prek atyre as më të voglin interes. Ky është leksion i dhimbshëm se nuk shkojmë dot përpara si shoqëri nëse nuk jemi të gatshëm të bëjmë për vete as edhe një sakrificë të vetme”, ka shkruar Gashi.
Ai thotë se UP'ja nuk u fundos sot, por që sipas tij rrugëtimi mbetet i gjatë dhe tejet i vështirë.
“Kolegët e tyre, anëtarë Senati, që shpërblyen kolegë e funksionarë duke u bazuar në bërllok akademik dhe nuk e panë kurrë të udhës të japin përgjegjësi për ato vepra, u ngritën për të kërkuar shkarkimin e një rektori që po tentonte të vendoste rregull në institucionin më të rëndësishëm të arsimit në Kosovë. Rregulli u çrregullonte punët e pista. Nuk mund të lejonin që dikush që nuk dirigjohej me telekomandë nga grupe të dyshimta të qëndronte në krye të UP-së për një kohë më të gjatë”, ka shkruar Gashi.
Gashi falënderon, tashmë ish-rektorin me këto fjalë: “E falënderoj rektorin e derisotshëm, si koleg, që dëshmoi se megjithatë në UP ka profesorë dinjitozë që kanë mendim të tyre dhe që e duan UP-në më shumë se privilegjet e pozitave udhëheqëse. Faleminderit profesor Zejnhullahu!”

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30