AGIM GASHI - KU NA MBETI

nga **Agim Gashi** Sat Oct 24, 2015 9:41 pm

AGIM GASHI

KU NA MBETI

Parahymje:

Kush mi mbushi kta sy me lotë
Kush na ndjell kob edhe zi?
Pas armikut o njerz të atdheut
Vllëzërit tanë na e bëjnë më zi!

I
Ku na mbeti besa e burrnia
Ku mbeti shpresa e dashunia
Ku mbeti ora e Dardanisë
Prap nën kthetrat e Serbisë

Ku ka mbetë humaniteti
Ku na mbeti uniteti
Ku ka mbetë e jonë mirësia
Ku është Kosova e ku Shqipëria

Ku na mbetën vorret e t´parëve
Ku amanetet e baballarëve
Ku mbetën lotët e nënave tona
Pse humbë çdo gjë që është e jona

Atje lart n´majë të Qyqavicës
Del e pyet Shote Galica
Pse po tkurrek kështu atdheu
Pse u nda Mitrovica

Në Graçanicë n´zemër t´Kosovës
Mu pranë kështjellave të Ulpianës
Ndihet fort vajtimi i Qyqes
Derdhet fort loti i nanës

Ku na mbeti pushka e t´parit
Që ushtonte në lindje të djalit
Aso krismash ma nuk ka
Se sot vritet vllau me vlla

Vritet vllau e zbrazen plumbat
N´trup t´shqiptarit të gjithë shkrepin
Humbin trupat kallin kufomat
Për drrasa vorri ma s´prehet plepi

II
Ku na mbeti ore bujaria
Kur na vinte miku te shpia
Sundon frika ma ska besë
Bëhemi popull i pa shpresë

Ku ka mbetë e shejtë miqësia
Ja zuni vendin anmiqësia
Vrajnë e prejnë me atentatë
Shtri për tokë atdheu i ngratë

Ooooo ku mbeti dashunia
Që sundonte në këto shkrepa
Ku e kam vajzën e ku djalin
Del e pyet kjo nanë shkreta

Ku na mbeti besa e nderi
Ma nuk gjendet as te mali
Përdoret droga sundon kurvënia
Te burri e gruja ka humbë morali

Nuk ka ma nderime atnore
Dashuni ska as për fëmi
Se mendon që dikund ka Zot
E lind fmiun e gjuen në Dri

Politika ku na mbeti
Kush e ban atë me dredhi
Analfabetat e hajdutët
Bajnë pazare me Serbi

Shesin vendin copa-copa
Shkelin varret e lirisë
I ka ardhë mallkim nga Zoti
Si Kosovës ashtu Shqipnisë

III
Ku ashtë tymi mbi oxhaqe
Ku na mbeti oda shqiptare
Ma ska burra me pajtue gjaqe
Nderi i kombit për hajgare

Ku na mbetën arat tona
Atë pasuri që e kishim pak
E shiten lirë Karaxhozat
Tash pronarin turkoshak

Bahen garat si në luftë
Nuk zgjedhin mjete me marr pushtetin
Jo për popullin e atdheun
Si me vjedh e me shitë shtetin

Po e luti Zotin nga mërgimi
Zoti ynë o Zoti i shqiptarëve
Shqip të luti si ke thane Ti
Kthe krenarinë e të parëve

Ktheje nderin dhe dashuninë
Që e kishim për njeni tjetrin
Atëherë nderohej populli e atdheu
E i riu nderonte t´vjetrin

Ktheja bukën popullit tim
Si ka mbetë asgja në kosh
Ia vodhen kriminelat
Tash duron me barkun bosh

Po përkulem O Zoti Ynë
Bashkë me Ty luti shqiptarët
Vasha e djem kush e do atdheun
Eni bashkë n´rrugën e t´parëve

Amanetet vershuen qiellin
Jehojnë nga varri i Skënderbeut
Lidhni besë me nder t´punoni
Sdurohet ma gjama e atdheut

Dy fjalë politikanëve injorantë
Kjo ashtë Toka ku ne mbimë
Pirro Agroni e Teuta
Kolliteshin n´toka të Ilrisë

Le ta dinë anmiqët mbarë
Se kjo tokë ashtë tokë e Arbnisë
Nuk duron ma shqiptari
Thundrra serbe as të Turqisë!

07.06.14
Düren
—

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30