AGIM GASHI - JETIMET TANË

nga **Agim Gashi** Mon Oct 26, 2015 8:11 pm

AGIM GASHI

JETIMET TANË
AGIM GASHI - JETIMET TANË 2lG-f0FsaiLjfw2ZCmWiRXDRTN-vWX49zsKuf3AWRxfJ5_Y6bUyVrQ==

Lufta jonë, lufta çlirimtare,
Shumë jetima na i la peng,
Mbeten nën´ stihinë e kohes,
Prandaj, Zoti mallkon këtë vend.

Pas gjakderdhjes e gjenocidit,
Që na i hoqi Amerika,
Dolen n´skenë shumë karaxhoza
Që nuk dinin çka ashtë frika.

Harruen luften, harruen varret,
Si hijena n´hajni u sulen,
Kësaj Kosove të lashtë dardane
Krenarinë krejt ia shkulen,

Harruen varret e posahapuna,
Harruen rrobat me gjak të njoma,
Ndanë buxhet e teritore,
Me vjedh çdo gjë, në trevat tona.

Shiqonte populli me çudi,
A janë këta që ju besuem?
Deri dje qirreshin për padrejtsinë,
Sot çdo gjë na e shkatrruen!

Shiqon fëmiu jetim i mbetun
Bukë për darkë i shkreti ska!
Pyet mamin e pyet vetëveten,
Për çka babi n´luftë ka ra?

Mami e shkreta kafshin buzen
Ç`ti thotë të birit ende fmi?
-Babi o birë ka ra në luftë
Për Kosovë e për liri.

Se liria dhe atdheu
Çmim të madh për dikend ka,
U dasht t´mendojmë kend me lënë në krye
Këtë varfëri mos me e pa.

Erdhëm o mami n`shpi të djegun
Ma mirë mos ta linim malin,
Shkët e babit, disa prej tyne,
Na e vodhen edhe socialin.

Ata ndertuen pallate t´nalta,
Kanë sherbtor, gjellbamsa n´shpi,
Unë i shkreti me bark të zbrazun
Nuk po shof ma as me sy.

Ata fëmijët e shokëve t´babit,
Vishen mirë, kcejnë fluturim,
Më përbuzin, m´thonë ik nga ne
Nuk ke baba, ti je jetim.

Uli koken dhe mendoj unë,
Ja për kend babi n´luftë ra,
Unë i shkreti shkoj te vorri,
Gurin e vorrit me lotë t´u e la.

Ah! O babi o zemra ime,
Zgjohu e shifi k´ta shok´t e tu,
Na e vodhen mbarë atdheun,
Vodhen vorret e m´vodhen mu.

Flej i qetë ti zemer burri
Me shumë shokë, dëshmorë lirie,
Pa u zgjue o Ju nga vorret
Sdo të ketë aromë Arbnie.

Zgjohuni Ju si Feniksi
Se atdheu po lëngon,
Zgjohu babi im dëshmor
Jetimi yt i untë duron.

Zgjuhuni e kthene pasurin tone
Që na e vodhen karaxhozat,
Mos duroni që n´vorre t´jueja
Të vinë n´poshtrim këta bajloza.

Unë jetimi me shumë jetima,
Ju presim lart edhe kah Rugova,
Pasha Zotin o dëshmor të kombit
Shumë ma keq sot ashtë Kosova.

26.10.2015
Düren

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30