Abrashi: Mbi 15 mijë të punësuar gjatë këtij viti

nga **Agim Gashi** Sun Dec 13, 2015 4:00 pm

Abrashi: Mbi 15 mijë të punësuar gjatë këtij viti

Ministri i Punës dhe Mirëqenies Sociale, Arban Abrashi, përmes një shkrimi ka bërë të ditur se të dhënat zyrtare dëshmojnë se numri i të punësuarve, në periudhën Janar 2015 - Tetor 2015 është mbi 15.000 apo saktësisht 15.539 të punësuar në vendet e reja të punës të krijuara gjatë kësaj kohe.
Sipas Abrashit, nëse shtohen edhe rreth 13.000 Veteranë të UÇK-së të paguar dhe në proces verifikimi, presioni i tregut të punës për vitin 2016, do të jetë dukshëm më i zbutur për rreth 25.000 – 30.000 punëkërkues më pak, krahasim me 2015.
Andaj, siç thotë ministri i MPMS-së, kjo paraqet një pikënisje shumë pozitive për vitin 2016, pasi që kjo Ministri, do të jetë në gjendje shumë më të favorshme të orientoj fondet dhe masat për punësim.
“Kryeministri Mustafa, ditë më parë rikonfirmoi se do t’i përmbushim premtimet, dhe të dhënat rreth punësimit të cilat i kam pranuar të premten janë tejet pozitive.
Numri prej 4000 të punësuar e paraqitur në disa medie, paraqet një pjesë të punëkërkuesve, të cilët kanë përfituar nga skemat ose shërbimet e ndryshme të Ministrisë së Punës dhe Mirëqenies Sociale. Në fakt, numri i punëkërkuesve që kanë përfituar nga masat aktive të tregut të punës, nga MPMS është mbi 8000.
Sa i përket punësimit në përgjithësi, të dhënat e kombinuara, të MPMS dhe institucioneve tjera, tregojnë se numri i të punësuarve, në krahasim, Janar 2015 me Tetor 2015, është mbi 15.000 (15.539 saktësisht), qoftë përmes efektit të punësimit, qoftë përmes të efektit të zvogëlimit të informalitetit. Pra, viti 2015, përmbyllet me më së paku 15.000 vende të reja pune. Nëse shtojmë edhe rreth 13.000 Veteranë të UÇK-së (të paguar dhe në proces verifikimi), presioni i tregut të punës për vitin 2016, është dukshëm më i zbutur (rreth 25.000 – 30.000 punëkërkues më pak, krahasim me 2015), dhe kjo paraqet një pikënisje shumë pozitive për vitin 2016, pasi që MPMS, do të jetë në gjendje shumë më të favorshme të orientoj fondet dhe masat për punësim. Debati rreth punësimit nuk do të ndalet as nuk duhet të ndalet, por politikat qeveritare të ndërmarra gjatë vitit 2015, dëshmojnë se është krijuar një momentum i ri dhe shpresëdhënës për punëkërkuesit në Kosovë”, shkruan ministri Abrashi.
Ai, po ashtu, ka dhënë sqarime lidhur me të dhënat e TRUST-it si dhe dallimet në raporte e nxjerra, duke bërë të ditur se së shpejti do të shpalos[url=#25606636] [/url]para mediave të dhënat përfundimtare lidhur me punësimin në vend, gjatë këtij viti.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30