FC Kosova nga Frankfurti – fituese e trofeut

FC Kosova nga Frankfurti – fituese e trofeut

Myftar Halili, BOTA SOT
Në Kornwestheim, afër Stuttgartit, u mbajt Kupa e Kosovës në futboll për Gjermani



FC Kosova Frankfurt pas shpalljes fituese e Kupës në Gjermani

Në Gjermani, në njërin prej vendeve ku futbolli është sport shumë i popullarizuar, krahas klubeve gjermane veprojnë edhe shumë klube të futbollit që bërthamën e kanë nga futbollistët, trajnerët dhe kryesitë me anëtarë shqiptarë nga Kosova, Shqipëria dhe viset tjera të banuara me shqiptarë. Ato të organizuara në kuadër të Federatës së Futbollit Shqiptar në Gjermani për çdo vit garojnë për Kupën e Kosovës në Gjermani, kurse skuadra fituese fiton të drejtën që të zhvillojë njç takim revyal me skuadrën fituese të Kupës së Kosovës.
Për garën e sivjeme ishin paraqitur vetëm 15 ekipe, kurse një ditë para mbajtjes së garave një u teërhoqashtu siç bëri edhe një ekip tjetër në ditën e mbajtjes së garës, veprime që janë për t´u gjykuar.
Për herë të parë në këtë garë që ka histori 20-vjeçare morën pjesë edhe zyrtarë sportiv dhe shtetëror. Derisa aty prezent ishte Agim Ademi, nënkryetar i FFK dhe Tomorr Alizoti, sekretar në ambasadën e Shqipërisë në Gjermani, munguan strukturat shtetërore të Kosovës, të cilat në Gjermani i prezantojnë të ngarkuarit me punë. Nuk është çudi si ata nuk ishin të pranishëm në këtë maifestim madhështor dy ditor, kur ata shumë rrallë shihen nëpër tubimet e bashkatdhetarëve të tyre. Vallë për kë ata janë caktuar këtu? Pamje nga ndeshja finale Agim Ademi,nënkryetar i FFK bënë hapjen e garave Tomorr Alizoti, sekretar i ambasadës së Shqipërisë në Berlin nderohet me mirënjohje nga Ruzhdi Statovci, kryetar i FFSHGJ-së Skender Hasani, kapiten i ekipit pranon Kupën nga Agim Ademi, nënkryetar i FFK-së
Gara për Kupën e Kosovës në futboll në Gjermani, në të cilën kanë të drejt të marrin pjesë klubet e regjistruara dhe që garojnë në ligat e ndryshme gjermane, e që dominohen nga futbollistët shqiptarë është gara më masovike e sportit shqiptar jashtë trojeve etnike dhe ajo sivjet u shpall e hapur nga Agim Ademi, nënkryetar i FFK-së. Në aktin e hapjes së garës folën edhe Myftar Halili, menaxher i FFSHGJ, Ruzhdi Statovci, kryetar i FFSHGJ, Hasan Hadërgjonaj, kryetar i KF Drita-Kosova Ludwigsburg, Sherif Xhema e Tomorr Alizoti, sekretar i mabasadës së Shqipërisë në Berlin, kurse SHKA „Rinia“ nga Singeni u paraqit me një program të shkurtër artistik udhëhequr nga balerini i dalluar nga Kosova, Rrustem Selca.
Titullin e fituesit të Kupës së Kosovës për Gjermani sivjet u përpoç ta mbrojë KF Kosova nga Bernhauseni, anëtare e Bezirkligës së Stuttgartit, e cila në garën e vitit të kaluar në Stukenbrock ishte më e mira. Pos Kosovës nga Bernhauseni, pretedentë për fitimin e kupës së sivjeme ishin edhe dy skuadrat tjera shqiptare që garojnë në Bezirksliga, Kosova Frankfurt e Liria Berlin kurse atyre t´ua prishin planet tentuan Kosova Hamburg, Kosova München dhe Kosova Düsseldorf.
Këto parashikme deri diku dolën të vërteta. Një përjashtim e bëri skuadra Liria nga Berlini e cila as që hyri në mesin e tetë skuadrave më të mira. Kjo skuadër hetohet se nuk e ka atë organizimin e brendshëm që e kishte dikur. Në anën tjetër pos dy skuadrave finaliste Kosovës së Frankfurtit dhe Kosovës së Münchenit me paraqitje të mira u dalluan edhe Kosova Düsseldorf, Kosova Hamburg, kurse rezultate më të mira se sa pritej arritën edhe futbollistët e Drita-Kosovës së Ludwigsburgut, skuadrë që garon në Kreisliga B dhe arriti deri në gjysëmfinale.
Skuadrat pjesëmarrje ishin ndarë në dy grupe dhe pas fazës së parë të garave në grupet e tyre triumfuan Kosova Frankfurt (Grupi A) dhe Kosova Düsseldorf (Grupi B). Kosova nga Frankfurti dhe Kastrioti nga Stukenbrocku ishin dy skuadrat e vetme që në fazën e parë nuk u mposhtën dhe derisa Kastrioti u eliminua në çerekfinale nga skuadra vendëse Drita-Kosova Ludwigsburg pas ekzekutimit të penalltive, skuadra nga Frankfurti e mbylli garën e sivjeme për Kupën e Kosovës në Gjermani pa asnjë humbje. Ajo në fazën e dytë mundi Kosovën nga Hamburgu, Drita-Kosovën nga Düssledorfi dhe në finale atë nga Müncheni.
Ndeshjet me mjaft sukses i udhëhoqen gjyqtarët: Rexhep Potoku, Muhamet Oraca, Nuredin Gjuraj, Arbnor Makaj, Ahmet Sylejmani, Mehmet Sylejmani, Bashkim Maliqi dhe Frrok Lekaj, kurse organizimi i garës nga skuadra vendëse Drita-Kosova Ludwigsburg ishte mjaft i mirë. Pos katër ekipeve më të mira: Kosova Frankfurt, Kosova München, Kosova Düsseldorf dhe Drita Ludwigsburg u shpallen edhe lojtari më i mirë Melah Muji (München), portieri Arben Nuha (Düssledorf) golashënuesi më i mirë Skender Hasani (Frankfurt) dhe ekipi më Fair Play FC Atdheu Augsburg.
Kupat dhe mirënjohjet i dorëzuanRuzhdi Statovci, kryetar i FFSHGJ-së si dhe Sadik Murseli, nënkryetar, Adem Makolli, Enver Muzliukaj e Mustafë Bellaina anëtarë të kryesisë kurse kupën e madhe fituesit ia dorëzoi Agim Ademi, nëkryetar i FFK-së.
1.Agim Ademi,nënkryetar i FFK bënë hapjen e garave
2.Tomorr Alizoti, sekretar i ambasadës së Shqipërisë në Berlin nderohet me mirënjohje nga Ruzhdi Statovci, kryetar i FFSHGJ-së
3.Skender Hasani, kapiten i ekipit pranon Kupën nga Agim Ademi, nënkryetar i FFK-së
5.Pamje nga ndeshja finale
-----------------------------------------------------------
Grupi A
1. Kosova Frankfurt 6 5 1 0 13:3 16
2. Kosova München 6 4 1 1 9:2 13
3. Drita-Kosova Ludwigsb. 6 2 2 2 5:5 8
4. Jehona Nürnberg 6 1 4 1 1:2 7
5. Atdheu Augsburg 6 2 0 4 3:6 6
6. Besa Giessen 6 1 1 4 4:9 4
7. Kosova Bernhausen II 6 1 1 4 6:14 4
Grupi B
1. Kosova Düsseldorf 6 4 1 1 11:3 13
2. Kastrioti Stukenbrock 6 3 3 0 5:0 12
3. Kosova Bernhausen I 6 3 2 1 11:2 11
4. Kosova Hamburg 6 2 3 1 7:5 9
5. Liria Berlin 6 2 2 2 7:5 8
6. Kosova Schongau 6 1 1 4 5:13 4
7. Kosova Kernen 6 0 0 6 0:18 0
Çerekfinlja:
Kosova Frankfurt – Kosova Hamburg 10:9 (P)
Kastrioti Stukenb. – Drita-Kosova Lud. 5:6 (P)
Kosova Düsseldorf – Jehona Nürnberg 2:0
Kosova München – Kosova Bernhausen 2:0
Gjysëmfinalja:
Kosova Frankfurt – Drita-Kosova Lud. 5:4 (P)
Kosova Düssledorf – Kosova München 3:4 (P)
Për vend të tretë:
Drita-Kosova Lud. – Kosova Düsseldorf 6:7 (P)
Finalja:
Kosova Frankfurt – Kosova München 2:1