Osmani: S’ka Mustafë, Veli as Hazir që më largon nga LDK-ja

nga **Agim Gashi** Tue Jun 07, 2016 8:40 am

Osmani: S’ka Mustafë, Veli as Hazir që më largon nga LDK-ja

Vjosa Osmani

“Këtë gjuhë të tillë sulmuese Isa Mustafa, ka përdorur në çdo intervistë, në çdo seancë në Kuvend e kjo është e dëmshme. Kjo mënyrë në Kosovë duhet të ndryshohet, duhet të ndryshohet mënyra e të bërit politikë. Tani edhe pse jemi në parti të ndryshme të ndara, pavarësisht si do ta zhvillojmë luftën tonë duhet të mendojmë se si të arrijmë në procesin e zhvillimit në Kosovë”.
“Nuk ka as Isa Mustafë as Agim Veli e Lutfi Hazir që ta shtyjnë Vjosën që të largohet nga LDK apo që të heq dorë nga lufta për ta rikthyer demokracinë në LDK”, ka thënë deputetja Vjosa Osmani në Zona B të Klan Kosovës duke i spikatur të tre të apostrofuarit si vendimmarrësit dhe iniciuesit për largimin e saj nga partia.
“Nëse nuk donë të riformohen si parti unë nuk e detyrojë askënd me dhunë të bëjë diçka të tillë”, ka shtuar ajo, njofton Klan Kosova.
Gjithashtu deputetja ‘rebele’ e LDK-së ka kritikuar gjuhën e përdorur nga kryeministri Isa Mustafa si dhe ka potencuar se dëshirojnë që atë ta largojnë nga lista zgjedhore.
“Mendoj që LDK ka vendosur që të më largojnë nga lista. Pasi nuk e shoh problem aspak nga ana e tyre të më largojnë, atyre u intereson që rrugën e tyre ta bëjnë sa më lehtë pa asnjë kundërshtim. Për ta ndryshuar LDK-në është një luftë më e vështirë se sa mendohet sepse është çështje e mendësisë politike dhe jo e moshës”, ka thënë Osmani.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30