Hazir Mehmeti:Pse Thomas Gottschalk i fyen shqiptarët në "Wetten, dass..? “ ?

nga **Agim Gashi** Wed Dec 07, 2011 3:50 pm

Pse Thomas Gottschalk i fyen shqiptarët në "Wetten, dass..? “ ?

Hazir Mehmeti, Vjenë
Opinion nga diaspora
Hazir Mehmeti:Pse Thomas Gottschalk i fyen shqiptarët në "Wetten, dass..? “ ? Tomas

Hazir Mehmeti:Pse Thomas Gottschalk i fyen shqiptarët në "Wetten, dass..? “ ? Tomas

Thomas Gottschalk, në "Wetten,dass..?”-in e fundit.

Thomas Gottschalk e përfundoi karrierën e tij në "Wetten,dass..?” pas 23 vitesh i koritur dhe njollosur para shikuesve shqiptarë e gjermanë

E shtunë, një ditë pushimi e relaksimi fizike e psikik. Kjo nuk arrihet pa pjesë argëtimi, pjesë e së cilës është shpeshherë televizioni. Veçan emisionet e mëdha, të shkueshme e me larmi temash argëtuese. Një i tillë ishe edhe emisioni "Wetten,dass..? i udhëhequr nga i njohuri Thomas Gottschalk dhe i adhuruar nga shumë shikues jo vetëm gjermano-folës. Të shtunën e kaluar emisioni i tij lamtumirës u shikua nga 15 milion shikues në Gjermani dhe vendet tjera gjermano-folëse. Duke qenë i tillë ai merr karaktere të universales dhe humanes në bashkimin dhe afirmimin e kulturave dhe njerëzve nga shumë kombe e kultura. "Wetten,dass..? prezantoi individ nga shumë kombe të Europës e kontinentet tjera. U prezantuan edhe talent nga kombi shqiptar. Tomasi nuk mësoi të paktën se ata ishin individ sikur individët nga kombet tjera pa dallim, ashtu siç duhet mësuar si pjesë e edukatës së ndershme e njerëzor. Kjo është elementare për formimin edukativ të secilit njeri e veçan atyre që fjalën e kanë transmetim të imazheve pozitive në emisionet publike. Tomasi duke e quajtur një lojë topash ping-pongu në shportën e basketbollit duke i gjuajtur me shkop hokej (,, kështu do luhej loto në Shqipëri” ) tregoi se nuk mund të shoh më tej nga syzet e tij të mjegulluara me racizëm ndaj kombeve e njerëzve tjerë. Ai nuk mundi ti mbron sytë e tij nga dukja e asaj çka i vlon brenda ndaj të tjerëve e duke e ushqyer atavizmin e tij të vjetër racist si element humori për prezantuesin. Tomasi nuk kishte kohë nga luksi i purgatorit të tij shpirtëror e fanatik të lexoi pak për tragjedinë që e kaluan dy popujt tanë, shqiptarët e gjermanët. Dy popujt ishin vet aktor të tragjedive kombëtar. Shqiptarët përjetuan komunizmin, tragjedinë vetë-shkatërruese më tragjike në historinë mijëra vjeçare të kombit shqiptar. Gjermanët e pollën dhe përjetuan racizmin e fashizmin si tragjedinë më të rëndë në Evropë e Botë. Derisa komunizmin shqiptarët e përvetësuan dhe nga ai e pësoi vet kombi shqiptar, gjermanët e pollën vetë fashizmin kurse tragjedinë e përjetuan popujt tjerë, veçanërisht hebrenjtë. Pra kombet tona kaluan dy tragjedi të rënda nga të cilat gjermanët u liruan fizikisht para gjashtë dhjetëvjetësheve kurse shqiptarët u liruan fizikisht e shpirtërisht para dy dhjetëvjetësheve. Nga kjo duhet nxjerr mësim secili që fjalën e ka armë shprehje. Edhe Tomasi. Ky e përfundoi karrierën e tij në "Wetten,dass..?” pas 23 vitesh i koritur dhe njollosur para shikuesve shqiptarë e gjermanë. Ai fyu edhe shikuesit gjermanë me sjelljet e tij prej një arroganti e shpirt vogli duke u shprehur me nënçmim e racizëm ndaj të tjerëve. Ai nuk ka mësuar nga gabimet raciste të prindërve e gjyshërve të tij. Nëse çdo emision është me karakter edukues pozitiv, kësaj radhe "Wetten,dass..?” ishte edukues negativ. Kjo nuk do duhej t’i ndodh asnjëherë Tomasit e aq më pak në emisionin e tij të fundit. Ai me armët e tij shprehëse vrau krenarinë dhe ndërgjegjen e çdo shqiptari. Aq më keq përbuzja e qeshja pas krimit. Qeshja është vrasja e dytë më rëndë se e para. Tomasi vrau dy herë. Do ta porosisja Tomasin, shko e kurrë mos u kthe. Shko e pastro syzet nga pluhuri i mbetur i së kaluarës që ua nxiu jetën miliona njerëzve.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30