Klasik në burgun e Lipjanit

Klasik në burgun e Lipjanit






Nga Milot Hasimja

Festa e muzikës që festohet çdo vjet ka filluar ndryshe këtë vit.

Ajo ka nis me muzikë klasike, por jo në Sallën e Kuqe e as në kishën Shën Ndou, por midis burgut të Lipjanit.

Ishin studentët e Fakultetit të Muzikës të Universitetit të Prishtinës që kanë kënduar në Qendrën korrektuese në Lipjan. Kështu ka filluar ‘La Fete de la Musique’, në Kosovë, festë që shënohet për herë të dytë.

Por përzgjedhja e muzikës nuk ka qenë ajo e duhura për të dënuarit. Nuk kanë kaluar as dy minuta nga fillimi i koncertit, kur publiku në Qendrën korrektuese ka filluar të qeshet.

Megjithatë, ata kanë vazhduar të dëgjojnë koncertin një orësh, madje duke duartrokitur pa u ndalur në fund të këngëve. Koncerti është përgatitur nga Besa Berberi.