Diana Bunjaku:“Lufta speciale e forcave të errëta kundër LDK-së është në kulmin e saj”

nga **Agim Gashi** Mon Jun 27, 2016 3:38 pm

Diana Bunjaku:“Lufta speciale e forcave të errëta kundër LDK-së është në kulmin e saj”

“Lufta speciale e forcave të errëta është në kulmin e saj, prandaj lansohen intriga, nxiten inatet, përkrahen primitivizmat, aktivizohen shantazhimet, bëhen kalkulime interesash përfituese, përjargosen sigurimet e fshehta, për ta penguar ecjen përpara të shtetit të Kosovës, gjë që, në këtë plan LDK-ja është faktori kryesor dhe prandaj sulmet kryesore janë përqendruar në drejtim të saj”, ka thënë Zogaj.

Partitë me demokraci të brendshme, është më se normale të kenë fraksione dhe mendime të ndryshme.
Skender Zogaj, analist politik thotë se LDK-ja është krye-vlera partiake e filozofisë politike në historinë e Kosovës dhe të shqiptarëve në përgjithësi.
Ai ka thënë se LDK-ja i përket forcës së rilindjes së ëndrrës së lirisë dhe artikulimit të strategjisë për mposhtjen e robërisë e të krijimit të qenies së pavarur kombëtare, brenda një shteti të lire e sovran, që tashmë i ka të gjitha mundësitë për tu finalizuar përfundimisht.
“Pra në majën e piramidës së vlerave historisë së re të Kosovës qëndron LDK-ja e vizionit të Ibrahim Rugovës – që është shenja emblemat ikë e substancës shqiptare në kuptimin e identitetit etnogjenetik dhe të meritës historike, prandaj është hipoteka garantuese e prosperitetit aktual të Kosovës, sepse është partia e vetme funksionalizuese e projektit që ka të bëjë me integrimin e vendit në BE. Duke qenë kështu, domosdo që objektivi kryesor i të gjitha forcat e errëta antikosovare është LDK-ja, shkatërrimi i së cilës është atak në Kosovën dhe në prosperitetin e saj. Jemi dëshmitarë të gjithë kohës së pasluftës që, forcat e errëta kanë qëlluar pamëshirshëm LDK-në dhe figurat e saja më të devotshme, dhe, të gjithë e dimë se, qëllimi ka qenë politik, për të mos e lejuar realizimin e ëndrrës së Kosovës për liri e pavarësi”, ka thënë Zogaj.
Sipas tij, disa nga zhvillimet e kohëve të fundit janë vërtetë për keqardhje, sepse kemi të bëjmë me tendenca absolutisht skajore, të një egoizmi egocentrik, shumë enigmatik.
“Më habit fakti se kur kanë nisur të dobësohen kundërshtarët e paskrupullte të LDK-s, në luftën për pushtet po shfaqen zëra brenda LDK-s, që po tregon njësoj të egër në mos edhe më të zinj, sepse, shqirrën në rugovizmin, por e atakojnë barbarisht rugovizmin, sepse hapur po e kërkojnë shuarjen e LDK-së”, ka thënë Zogaj.
Ai ka thënë se ky është një absurd që vështirë mund të shpjegohet dhe nuk le mundësi për të gjetur zgjidhjen e duhur, duke qenë se, interesi shtetëror është në pikën më të ndjeshme dhe çdo gabim është fatal.
“Lufta speciale e forcave të errëta është në kulmin e saj, prandaj lansohen intriga, nxiten inatet, përkrahen primitivizmat, aktivizohen shantazhimet, bëhen kalkulime interesash përfituese, përjargosen sigurimet e fshehta, për ta penguar ecjen përpara të shtetit të Kosovës, gjë që, në këtë plan LDK-ja është faktori kryesor dhe prandaj sulmet kryesore janë përqendruar në drejtim të saj”, ka thënë Zogaj.
Sipas tij, anëtarësia e vërtetë e LDK-s duhet të mos e harroj misionin e saj historik dhe të mos bie pre e propagandave të ulta dhe smirëzinjve që, për inatit të resë duan vdekjen e djalit.
“ Përçarjet janë marrëzira sepse LDK-istete e vizionit rugovian nuk shqirrën, por punojnë në heshtje dhe problemet i zgjidhin me urtësi dhe duke sakrifikuar interesin personal. Ata që llogarisin të përfitojnë nga duke krijuar krizë brenda LDK-s, janë të mjerë”, tha Zogaj.
Ndërsa Leon Duhanaj, analist politik tha se kur bëhet fjalë për subjektet politike në vend duhet pasur parasysh kontekstin e zhvillimit të brendshëm të tyre.
Ai ka thënë se partitë kryesore politike në Kosovë janë themeluar në rrethana të caktuara, të cilat kanë qenë të ndikuara nga shumë faktorë, të cilët kanë pasur ndikim në zhvillimin e tyre.
“Këto zhvillimet përkatësisht ndikimet kontekstuale të cilat kanë qenë pjesë e zhvillimit të tyre, kanë ndikuar që zhvillimi i tyre mos të ketë rrjedhë normale, bazuar në standardet më të larta demokratike të zhvillimit të një subjekti politik. Lidhja Demokratike e Kosovës (LDK), është themeluar në rrethana të jashtëzakonshme për shqiptarët.
Si e tillë ajo nuk është ndërtuar e as kuptuar si një subjekt politik i rendomë, në prizmin siç sot e shohim. LDK ka qenë një lidhje mbarë kombëtare, e cila brenda gjirit të saj ka përfshirë shumicën absolute të shqiptarëve”, ka thënë Duhanaj. Sipas tij, partitë me demokraci të brendshme, është më se normale të ketë fraksione dhe mendime të ndryshme. “Kjo madje ndihmon zhvillimin e tyre të brendshëm por për fat të keq subjektet politike në Kosovë, nuk po arrimë nivelin e duhur të demokracisë brenda së brendshme. Zërat ndryshe nuk tolerohen dhe nuk trajtohet siç do duhej t’ishte”, ka thënë Duhanaj. Ai ka thënë se grupet të cilat kanë mendim ndryshe, cilësohen si të ndikuara nga çarqe të ndryshme si p.sh; SHIK-u apo të ngjashme./Bota sot

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30