Asamblisti i LDK'së: Vetëvendosje të tregojë kush dha leje për ndërtimin e kishës

nga **Agim Gashi** Mon Sep 19, 2016 5:34 pm

Asamblisti i LDK'së: Vetëvendosje të tregojë kush dha leje për ndërtimin e kishës

Partitë në koalicionin qeverisës PDK-LDK janë kundër rrëzimit të objektit të ndërtuar brenda kampusit universitar. Asamblisti i Lidhjes Demokratike të Kosovës në Kuvendin Komunal të Prishtinës, Flamur Shala, thotë se pavarësisht se e dinë kur dhe si ka ardhur deri të ndërtimi i atij objekti të destinuar për kult fetar, ai objekt, por edhe shumë të tjerë duhet trajtuar vetëm në bazë të ligjeve të Kosovës që janë miratuar në Kuvendin e Republikës së Kosovës, shkruan gazeta 'Zeri'.

“Të gjitha objektet që janë ose që i ngjasojnë objekteve fetare duhet t’i trajtojmë mbi bazën e ligjit, mbi bazën e dokumenteve ndërkombëtare dhe mbi bazën e dokumenteve ligjore të shtetit të Republikës së Kosovës. Për këtë objekt nuk duhet të shfrytëzohen emocionet, nuk duhet të bëhet fushatë, duhet ta trajtojmë ashtu siç duhet të trajtohet një objekt i ngritur në kohën e okupimit klasik dhe sipas dokumenteve që i ka sot Republika e Kosovës”, ka thënë Shala.

Madje, asamblisti i LDK-së ka kërkuar nga udhëheqja komunale e Prishtinës që t’i prezantojnë në publik të gjitha dokumentet prej nisjes së ndërtimit të këtij objekti e deri me përfundimin e tij i tillë siç është sot.
“Ata që po merren me të, udhëheqja e Komunës duhet ta nxjerrin para publikut të gjithë procesin e trajtimit që nga themelet, se si janë vënë themelet, kush ka dhënë urdhër dhe kush e ka aprovuar vënien e gurthemelit, e deri në këto ditë kur po i bëjmë një trajtim në mënyrë jo krejtësisht ashtu siç duhet t’i bëhet një objekti të ashtuquajtur të kulturës, i cili edhe pse është ngritur në kohën e okupimit klasik, ai duhet të trajtohet në kuadër të ligjeve të Republikës së Kosovës”, është shprehur ai.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30