AGIM GASHI-URIME NANË DITËLINDJA JOTEI

nga **Agim Gashi** Sat Oct 08, 2016 9:59 pm

AGIM GASHI-URIME NANË DITËLINDJA JOTE!

Loti i nanës ka peshë të jetës
Që mat´ vuajtjen e shpirtit t´saj,
Djem e vasha n´kurbet të zi
Ia shëndrrojnë buzqeshjen n´vaj.

Struk te votra me plot kujtime
I shtohen rrudhat për çdo ditë,
I shkoi jeta t´u i kqyr udhët
Fëmijt e shpirtit t´u i pritë.

II
Si nuk jam sot te nana ime
T´ia fshi lotin e t´ja kthej gëzimin,
E ti them me za të dridhun:
-Nanë, ja ku e ke Agimin!

T´ja dhuroj një tuf me lule
N´breg t´Sitnicës që do ti mbledh,
Urime nanë Ditëlindja e jote,
-Qofsh e lumtur moj nanë përherë.

III
Por këto janë andrrat e mia
Që po i ujiti çdo ditë me lot,
Mu ka mbush kjo zemër dhimbje
Edhe shpirti me mall´ përplot.

Se larg jan sot nana e gzimi
E nuk teren syt e mi,
Marr e flas dhe i dhuroj lule
Nanës time n´fotografi.

Urime nanë Ditëlindja jote
Ta Uroj Ty me shumë mall´,
Po i mbledhi lotët e mi
Lot´ e lule Ty me ti fal!

Nanë, moj nanë, e lumja nanë,
Të dhashtë Zoti lumtuni,
E bashkë me gjithë nanat shpiptare
Ta Uroj Ditëlindjen TY!

08.10.2016
Düren

AGIM GASHI-URIME NANË DITËLINDJA JOTEI 14619975_653039414847138_923053199_n

AGIM GASHI-URIME NANË DITËLINDJA JOTEI 14619975_653039414847138_923053199_n

URIME DITËLINDJA JOTE NËNË!

Nënë, nënë e lumja nënë!Sa emër i bukur, sa emër fisnik, sa emër i shtrenjët i cili na përcjell në çdo hapë të jetës. Edhe kur ske bukë thua oh nënë, edhe kur ke dhimbje thua of nënë, edhe kur ke çaste të rralla lumturie thua oh nëna ime...! Ky emër dyrrokësh por madhor shkrin akullin e zemrës, shkrin duar të ngrira nga acari i kurbetit dhe na mbush mrekulli e lumturi duke i dhënë shpirt jetës.Sot kur e ke Ditëlindjen tënde. Emri Yt ka pashë shumë të madhe: Një që nuk mundem me të përqafu e lule me të dhuru, dhe e dyta se ti e kalove tetëdhjetshin dhe sot mbush tetëdhjetenjë vjet.
Nëna, kjo pranverë e zemrës, kjo lule lumturie, është etëri, drita dhe jeta i çdo fëmije, i çdo njeriu, është fjala më e artë e çdo gjuhe të kësaj bote.Kudo që të jesh prania e saj të mbush jete,gjallëri, shpresë e dritë. Nëna na e dha jetën ta jetojmë, na e dha bekimin për jetë të lumtur e pa brenga duke i përballuar edhe çastet e dhëmbjes së jetës në rrotullim. Nënat vuajnë për ne, kanë dhimbje për dhimbjet tona, për fatin tonë...Ajo jeton me frikën për ne, me shpresa të thyera për kurbetçarin, për ata që nuk janë më, për të humburit! Kur je pranë saj dhe kur mbështet koken në gjoksin e saj, kur ia ndien trokitjet e zemrës, thua me vete: ja këto janë trokitjet më të ëmbëla nga dera e zemrës së nënës. Nuk të gjendem pranë me ti dëgjuar trokitjes e zemres sate të madhe. Nëna edhe e vdekur mendon për xhevahirët e saj që i lindi e që bashkë me Zotin ua fali jetën.
Nëna, thesar i çdo zemre, gjëja më e ndritur e jetës është edhe pasqyra ku mund ti shohim gabimet tona të jetës, andaj kjo fjalë i është shkruar në shpirtin e çdo fëmiu, në shpirtin e çdo njeriu,fjalë e cila tak-tak troket në zemrat tona duke e pasë gjithnjë strehë të jetës për të na mbrojtë nga rreziqet,fatkeqësitë, nga sëmundjet...Përqafimi i saj është ilaq jete që të mbush lumturi, ti largon brengat e jetës, ta pastron shpirtin nga vuajtjet.
Ah nënë! Sa herë përmend emrin tënd luaj nga vendi sepse emri yt më mbush dashuri për Ty e për atdheun, për miqët dhe Zotin, për jetën!
Një fajlë e vetme e shqiptuar nga goja e nënës dhe një përkdhelje e saj , do ta bënin çdo njeri me krahët hapur dhe gadi për të fluturuar e pushtuar qiellin. Askush në botë nuk ka fuqi ti harron përkdheljet e nënave, buzqeshjet e ëmbla që ta mbushin shpirtin me aromë jete e puhizë dashurie në flladet pranverore.
Nënë! Ti je shpresë e jetës, ti je dritë e shpirtit, ti je bukuri prrallore, ti je ajo që pa trokit hyn e del nga zemra ime. Nënë! Të dua shumë!

URIME DITËLINDA NËNË!

08.10.2016
Düren

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30