Gecaj i kundërpërgjigjet Mimoza Kusarit: E vërteta dhemb, prandaj reagove ashpër

nga **Agim Gashi** Mon Oct 31, 2016 8:11 pm

Gecaj i kundërpërgjigjet Mimoza Kusarit: E vërteta dhemb, prandaj reagove ashpër

Bajram Gecaj

Zëvendësministri i Administrimit dhe Pushtetit Lokal, Bajram Gecaj i është kundërpërgjigjur reagimit të Mimoza Kusarit-Lilës, duke thënë se e vërteta dhemb dhe se kjo është arsyeja pse ka reaguar aq ashpër Kusari-Lila.
Përmes një postimi në Facebook, Gecaj ka thënë se shkrimi I tij nuk ka asgjë personale, dhe se është reagim normal politik ndaj një rivali të ardhshëm të mundshëm.

Lexoni të plotë postimin e Gecajt në Facebook:

“Shpesh në politikë qëllimi arrihet atëherë kur provokon reagimin e furishëm të kundërshtarit politik, e në rastin konkret unë paskam arritur ta nxjerrë nga ‘binarët’ ideatoren e subjektit të ri ‘alternativ’.
E vërteta thonë dhemb, dhe duket se kjo edhe ishte arsyeja kryesore e këtij reagimi kaq të ashpër të zonjës Kusari-Lila.
Unë prapë po e ritheksoj se shkrimi im nuk ka asgjë personale, është reagim normal politik ndaj një rivali të ardhshëm të mundshëm, dhe se nuk ka të bëj asgjë me ‘burrëri’ dhe as me qeverisjen lokale në Gjakovë, por me subjektin tuaj të ‘ri’ politik.
Ndërsa si vazhdimësi e lojës së sinonimeve, emrin tim unë deri më tani ja kam ‘dhuruar’ dy kryeministrave (Rexhepi dhe Kosumi) dhe dy festave, ndërsa ‘mimoza’ ka “lulëzuar” (politikisht) mu në kopshtin e njërit ‘Bajram’”.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30