Përparim Hysi:"Fieraku" nga Tropoja

Fieraku" nga Tropoja
Për shkrimtarin Fran Ukcama
Nga Përparim Hysi

Tek marrë të shkruaj për,Fran Ukcamën,këtë "fierak" nga
Tropoja,s'kam si mos sjellë për lexuesin nja dy thënie
popullore.Thënie që,pak a shumë,e bëjnë më të plotë portretin e
shkrimtarit Fran Ukcama.Në Myzeqe thonë:"Po pate pirë 40 sapllake me
ujë,je vëndali,ngado që të kesh ardhur.Dhe thënia
tjetër:"Miqësia(ilakaja) ngjan,pa bëhet!".Dhe Frani që të dy këto
thënie i plotëson se,duket,sikur janë thënë enkas për të.Së
pari,ato"40 sapllaket" ka kohë që i ka rrëkëllyer dhe,së
dyti,Frani,sado nga Margegaj të Tropojës,po ta njohësh mirë,duket
sikur ka lindur në Myzeqe.Është nga natyra:tëpkë-myzeqar.Kur
flet,duket sikur po bën "faj" dhe një natyrë të tillë e gjen
rrallë,shumë rrallë,andej nga malësia.Ndaj them që "ilakaja" ngjan,pa
bëhet.Është vëndi këtu(përfitoj nga njohja me ta si koleg i vjetër i
të dyve), që të falënderoj dhe bashkëshorten,fieraken puro,Liljanën
që kur qe para tri dekadash e ca në Tropojë si mësuese,diti të
zgjedhë:këtë malësor me zëmër ëngjëlli.I urtë si një Krisht dhe si
Krisht është dhe kur flet,ky"fieraku" prej Tropoje.Frani ka punuar si
mësues letërsie,si përgjegjës kulture në fshat dhe,më pas,edhe
dretjtor në shtëpinë e Kulturës në Fier.Në Post tranzicion emigroi në
Greqi dhe,i kthyer nga ky emigrim,punoka si Drejtor i kulturës dhe
Arteve në Fier.Në marrë të shkruaj për të,kam arsye pakësa madhore:
Frani është shkrimtari më përfaqësues fierak për letërsinë për
fëmijë.Veç tjerash,deri tani është autor i 7 librave me poezi.I tri
romaneve dhe tri jetëshkrimeve.Fieri ka pse krenohet me këtë"dhëndërr"
me kaq bukë.Por shtysën për të shkruar për të,ma dhanë dy jetëshkrime
që më ranë në dorë:"Doni më për Belulin?!" kushtuar Artistit të
Merituar,Fuat Boçit aliaz Lipe Shtogu dhe tjetra për këngëtaren
brilante fierake:Sofika Hodo-Nderi i qytetit të Fierit.Titullin"Nderi
i qytetit të Fierit" e ka dhe Fuat Boçi.Lexuesëve që s'u kanë rënë në
dorë këto libra u them:Veçanërisht libri për Fuat Boçin,aq sa kam
lexuar unë,de, do të mjafftonte që Franin ta rreshtoje në shkrimtarë
që s'duhet t'i heqësh nga kujtesa.Aq mbresa më la libri për
Fuatin(Fuatit i uroj jetë të gjatë,domosdo!),sa thashë:-Ah,moj
Liljanë,që nuk të kam përballë dhe do të thosha:-Bravo të qoftë që ia
rrëmbeve Tropojës këtë shkrimtar kaq lirik(edhe në prozë i tillë është
dhe mos kujtoni se trilloj!),dhe na i solle si peshqesh në Fier.Shpreh
sigurinë(veten e fus në lexuesit skrupulozë),se askush si Frani nuk
mund të shkruante një jetëshkrim si ai që ka shkruar për Fuat
Boçin,këtë deliçam,fierak 24 karatësh.Kujtoni veç Lipe Shtogun dhe
dalloni "çamin" nga myzeqari.Fuati është më myzeqar se shumë fierakë
që njoh atypari.Frani,ky"fierak" prej Tropoje,po ta shohësh,sado që
mbi flokë i ka rënë dëbora,duket si një djalosh tepër vital.Një natyrë
e qetë si Frani nuk di të plaket.Jam i sigurt se ai ose është duke
nxjerrë një vëllim me lirika,o një libër për fëmijë dhe ca më shumë
ndonjë jetëshkrim,ku ai është si gurqosheje në"ndërtesën" e bukur dhe
me më shumë vizitorë virtualë apo të drejtpërdrejtë:në librat me
jetëshkrimet.Libra që aq shumë lexohen .Aq më tepër po i
shkroi,Frani:"Fieraku"nga Tropoja.Të përqafoj,o miku im aq i mirë dhe
të uroj me libra të tjerë!
Përparim Hysi,Florida 30 qershor 2009