KQZ: Aleanca e Ndryshimit eshte fitues i zgjedhjeve, reagon PS

KQZ: Aleanca e Ndryshimit eshte fitues i zgjedhjeve, reagon PS

04.07.2009
22:20 - Zëdhënësi i Komisionit Qendror Zgjedhor ka publikuar rezultatet paraprake duke i dhënë 71 mandate koalicionit të djathtë, Aleanca e Ndryshimit. Me ëtë deklaratë KQZ shpall fituese të zgjedhjeve Aleancën e Ndryshimit të kryesuar nga Partia Demokratike.
Sociasistët pretendojnë mandatin e nëntë në Fier, cka do të bënte të mundur barazimin në rang mandatësh mes të majtëve e të djathtëve, por KQZ ja ka llogaritur këtë mandat demokratëve duke mos marrë parasysh se numërimi i kutive në qarkun e Fierit nuk ka përfunduar ende. Ndërkohë në KQZ vazhdon procesi i numërimit të kutisë së pestë të KZAZ-së së Fushë Kuqes.

Kështu, Olli ka bërë të ditur se paraprakisht koalicioni Aleanca e Ndryshimit ka siguruar 71 mandate kundrejt 65 mandateve të Bashkimit për Ndryshim dhe 4 mandate të Aleancës Socialiste për Integrim.

KQZ thekson se nga 4703 kuti të nuëmruar deri në këto caste, koalicioni i djathtë rezulton të ketë 46.69% të votave ndërsa Bashkimi për Ndryshim 45.36%. Aleanca Socialiste për Integrim ka siguruar 5.56% të votave.

Rezultati paraprak i KQZ-së për koalicionet

Aleanca për Ndryshim 46.69 për qind të votave
Bashkimi për Ndryshim 45.36 për qind
Aleanca Socialiste për Integrim 5.56 për qind

Subashi: U shkel ligji me rezultatet paraprake

"Jam e shokuar nga kjo deklaratë, pasi Olli është institucion dhe jo person në këtë rast që bën të tilla deklarata". Kështu është shprehur vetëm pak sekonda pas njoftimit të KQZ, nënkryetarja e këtij institucioni Dëshira Subashi.

Ajo shtoi se "kjo është shkelje flagrante e ligjit, pasi KQZ nuk ka përmbyllur tabelat. KQZ nuk ka marrë asnjë vendim për asnjë zonë zgjedhore të Shqipërisë. Çështja e ndarjeve te mandateve është procedura e fundit e këtij institucioni. Deputetet e secilës force politike, caktohen vetëm pasi të jete mbyllur leximi dhe klasifikimi i të gjitha kutive", deklaroi Subashi.


Koalicioni i Berishës nuk ka marrë 71 mandate

Partia Socialiste ka hedhur poshtë deklaratën e KQZ-së se sipas rezultatit paraprak koalicioni “Aleanca e Ndryshimit” ka marrë 71 mandate. Sipas kandidatit të PS-së në Fier, Gramoz Ruçi “Nuk ka asnjë rezultat paraprak që i jep Berishës 71 mandate”. PS-ja e ka konsideruar deklaratën si destabilizuese. “Deklarata e kukullës së Berishës në krye të KQZ-së është destablizuese, ndaj i bëj apel Berishës të heqë dorë nga ideja se mund t’i imponohet popullit si kryeministër “, shtoi Ruçi. Kandidati i PS-së në Fier, i ka bërë thirrje kryeministrit Berisha që të tërhiqet që të mos vazhdojë të shkelë më standartet