Ruzhdi Rexha, vëllau i ‘Komandant Drinit’ kandidat për Prizrenin

Ruzhdi Rexha, vëllau i ‘Komandant Drinit’ kandidat për Prizrenin

LDD e AKR me kandidat të përbashkët



Akademik Daci dhe Ruzhdi Rexha
Kandidaturën e z. Rexha e kanë përkrah edhe Aleanca Kosova e Re, Partia Boshnjake e Aksionit Demokratik (BSDAK), Iniciativa Qytetare Balli Kombëtar Demokratik dhe Shoqërinë Civile "Natural Fresh".

Kryetari i Lidhjes Demokratike të Dardanisë akademik Nexhat Daci promovoi sot në Prizren Ruzhdi Rexhen, për kandidat të këtij subjekti politik për kryetar të Komunës se Prizrenit.
"Kemi gjetë së bashku një kandidat që ka vizion, përgatitje profesionale, kualitete morale për t’i prirë vizionit ton, kandidat i cili ka guximin e komandantit të Kabashit dhe të akademik Dacit për t’i prirë koalicionit në fitoren e sigurtë në zgjedhjet e ardhshme dhe ky është zotëri Ruzhdi Rexha", tha kryetari Daci.
Duke folur para sallës plotë të mbushur e anëtar dhe simpatizantë, në Shtëpinë e Kulturës në Prizren akademik Daci theksoi se trenin e LDD i cili niset në fushatën parazgjedhore për zgjedhjet lokale në vjeshtë të këtij viti po e vendosim në binare të drejte, ku tjetër përveç Prizrenit domethënës ne kuptimin e ploteë të fjalës, të historisë, kulturës, të zhvillimeve dhe të vizionit. Ai theksoi se slogani "Ne kemi vizion, ne kemi guxim" shpreh në mënyrë me kuptimplote vizionin dhe angazhimin e LDD-se.
" Ne kemi pas një qasje tjetër fare një rruge tjetër fare për ta sjell Prizrenin, Kosovën atje ku e ka merituar kahere dhe atje ku qytetaret e Prizrenit do ta ndijë veten të lumture jo vetëm në Kosovën e pavarur dhe shtet, por edhe në Kosovën sovrane dhe me integritet të garantuar, me koncept qytetar, ky qytetarët do ta ndijë veten se janë pjesëmarrës te ndërtimit shtetit te tyre".
Kryetari i LDD theksoi se kandidati i partisë për kryetar të komunës se Prizrenit ka përkrahjen edhe të partive tjera me nuanca të ndryshme politike, por që kanë një qëllim të përbashkët, shtetin demokratik, qytetin demokratik, administratën funksionale për te qene ne shërbim te interesave te qytetareve te rëndomtë.
Kandidaturën e zotit Rexha e kanë përkrah edhe Aleanca Kosova e Re, Partia Boshnjake e Aksionit Demokratik (BSDAK), Iniciativa Qytetare Balli Kombëtar Demokratik dhe Shoqërinë Civile "Natural Fresh". Kryetari Daci iu bëri thirrje publike që kësaj aleance në Prizren t’i bashkohen edhe Partia e Drejtësisë dhe Partia Reformiste ORA Dega ne Prizren, duke rrespektuar specifikat e çdo partie politike.