Lajme nga Komisioni zgjedhor në Kosovë

KQZ: 40 parti politike do të marrin pjesë në zgjedhjet lokale




Kryetarja e komisionit, Nesrin Lushta.
Kryesuesja e Zyrës për regjistrimin e partive politike, Miradije Mavriqi pohoi se rreth 40 parti politike kanë aplikuar për pjesëmarrje në zgjedhjet e nëntorit.


Prishtinë, 13 korrik
Në zgjedhjet lokale të 15 nëntorit do të marrin pjesë 40 parti politike. Kështu kanë bërë të ditur të hënën zyrtarët e Komisionit Qendror Zgjedhor, pas mbledhje së radhë ësë KQZ-së. Në këtë mbledhjen është miratuar vendimi që zyrtarët komunalë të zgjedhjeve të riemërohen ndërkaq edhe përkundër kundërshtimeve të dy anëtarëve të KQZ-së është miratuar Drafti i strategjisë për informim publik për zgjedhjet 2009. Në mbledhjen e rregullt të Komisionit Qendror Zgjedhor, kryetarja e komisionit, Nesrin Lushta ka bërë të ditur se ka kërkuar nga përfaqësuesit e Komisionit Evropian dhe USAID-it që të vëzhgojnë zgjedhjet lokale të cilat do të mbahen në nëntor të këtij viti. Ndërsa kryesuesja e Zyrës për regjistrimin e partive politike, Miradije Mavriqi ka thënë se rreth 40 parti politike prej tyre 19 parti janë parti politike shqiptare, 6 serbe, 7 parti politike boshnjake, 1 turke, 1 gorane, 1 egjiptase, 1 rome, 2 parti politike ashkaliane, 1 parti malaziase dhe është kandiduar një kandidat i pavarur për kryetar të komunës së Kastriotiti cili është Aziz Bici” , tha Mavriqi. Përsa i përket komunave u njoftua se për garën e kryetarit të Prizrenit është formuar koalicioni i parë i përbërë nga LDD, BSDAK dhe Balli Kombëtar. D. Xhemaj