Daci: Shqiptarët nuk e meritojnë 'karantinën e vizave'

Daci: Shqiptarët nuk e meritojnë 'karantinën e vizave'





Kryetari i Lidhjes demokratike te Dardanisë, akademik Nexhat Daci


Kryetari i Lidhjes demokratike te Dardanisë, akademik Nexhat Daci prezantoi sot ne Viti kandidatin e kësaj partie për kryetar Komune, Sokol Halitin. Me ketë rast ne sallën terplote te mbushur me anëtare dhe simpatizantë te LDD-se kryetari Daci theksoi se nga ky mjedis miqësor dhe njerëzor dëshiron te ua dërgon një porosi te qarte institucioneve tona dhe ndërkombëtare se Kosova dhe shqiptaret nuk e meritojnë te futen ne karantinën e vizave dhe te udhëtimit te lire te tyre. “Kosova është eksperiment, është produkt i përbashkët i ndihmës se fuqishme ndërkombëtare për shuarjen e fashizmit nga trojet e Kosovës dhe për lindjen e Kosovës si shtet. Atyre qe e bene ketë gjithnjë u falënderojmë përzemërsisht, por në qoftë se Kosova është fëmijë i përbashkët i kosovareve dhe i bashkësisë ndërkombëtare nuk e meriton karantinën”, tha kryetari i LDD-së. Akademik Daci kritikoi fuqishëm kryetarin dhe kryeministrin e Kosovës për mosrespektim te Kushtetutës dhe sjelljet elementare te mbrojtjes te integritetit territorial dhe sovranitetit pasoje se cilës është regjimi diskriminues ne procesin e liberalizimit te vizave dhe pamundësia e lëvizjes se lire te qytetareve te Kosovës.