‘Parajsa’ punimi dedikuar presidentit Rugova

‘Parajsa’ punimi dedikuar presidentit Rugova

Kastriot Shehdadi, Bota Sot


“Parajsa” mund të jetë emërtimi një punimi prej filigrani që më së shumti në krye i sillet autorit Nihat Zherka dedikuar presidentit historik dr. Ibrahim Rugova!Sipas autorit, është dashur relativisht një kohë për ta finalizuar në qetësi këtë punim të krijuar me një kujdes të posaçëm. E punuar nga argjendi, me gur që dhe vet presidenti Rugova i mbante si simbol, pasuri dhe autoktoni dardane, në këtë punim ka dhe elemente tjera dardane, qoftë dhe si ndërtim dhe jo vetëm si material. Në krye të sajë shndrit me të verdhë harta e Kosovës, apo ajo dardane siç presidenti Rugova e shqiptonte. Krahas elementëve tjerë, aty në mes gjendet edhe fotografia e Ibrahim Rugovës e cila përmes funksionimit energjetik rrokulliset në gjithë hapësirën e sajë!” Pikërisht elementet dardane që Rugova si president i kishte për zemër dhe vet respekti im personal ndaj tij si një president i duhur në kohë të duhur më ka shtyrë të kryej këtë punim prej argjendi, emërtimi i së cilës edhe mund të jetë “parajsa” pikërisht për faktin që ka të bëjë për Rugovën në parajsë dhe konsiderimin e popullit dhe vendit të tij si një vend me resurse dhe begati” është shprehur për gazetën autori Nihat Zherka që me profesion është dhe kameraman i shquar për më shumë se dyzet vite. Aktualisht, punimi qëndron në shtëpinë e autorit.