Përplasje për "Kosoven e Re"!

Qeveria nuk ka marrë parasysh rekomandimet e ekspertëve






Sekretari i përgjithshëm i Lidhjes Demokratike të Dardanisë, Lulezim Zeneli deklaroi në një konferencë për shtyp se vendimi i Qeverisë për ndërtimin e Termocentralit “Kosova e Re” dhe dhënien me koncesion të minierës së Sibovcit. dëmton interesat e shtetit të Kosovës. Zeneli akuzoi Qeverinë se me rastin e vendimit për ndërtimin e TC “Kosova e re” ka anashkaluar rekomandimet e ekspertëve, të cilët vlerësojnë se Kosova nuk ka nevojë për një termocentral me kapacitet prej 2 mijë megavatesh.
“Është për habi sjellja e Qeverisë së Kosovës ndaj pasurive të Kosovës, ndaj një resursi që është konsideruar në interes strategjik për shtetin e Kosovës, na sjell para dileme dhe pikëpyetje të madhe, se deri ku mund të shkojnë këta njerëz, këta individë të koketojnë me pasurin e Kosovës dhe koketojnë me të ardhmen dhe perspektiven e vendit”, tha Zeneli. LDD në konferencën e sotmë për shtyp ka shprehur edhe shqetësimin lidhur me vendimin e Komisionit Evropian për mos përfshirjen e Kosovës në procesin e liberalizimit të vizave. Zeneli ka kritikuar Qeverinë se nuk është duke punuar që t’i hapet rruga vendit drejt integrimeve euroatlantike.
B. Boletini

Ora kundërshton qeverinë



Partia Reformiste ORA ka reaguar ndaj vendimit të Qeverisë së Kosovës, për dhënien me koncesion të minierës së Sibovcit për 40 vjet, duke thënë se intenca e tërë kësaj është mos tjetërsimi i kësaj prone, ndërkohë që ka mbështetur qëndrimin e shoqërisë civile kundër ndërtimit të termocentralit “Kosova e Re” me kapacitet prej 2000 megavatësh. Dhënja e ketyre resurseve me kocesion për 40 vite do të thotë se do të eksloatohet tërësiaht thengjilli në basenin e Sibovcit, do të mbeten “fosilet” e makinave për eksploatimin e thengjillit, se Kosovaret do te vazhdojnë të jetojnë në ambientin më të ndotur, dhe do të vazhdojme të thithim ajrin me të ndotur dhe të përballemi me semundjet nga pasojat e këtij ambienti të cilat i kemi evidente edhe sot nga ndotja e TC ekzistuese. Pas 40 vjet eksploatimi do të mbetë hiri nga djegja e thëngjillit si trashëgimi për pasardhësit e tanë.
Dhe për 40 vjet nuk do të mund të bashkohemi në BE pasi do te jemi ndotës në regjion, dhe do të paguajmë dënimet për ndotje të ambientit.
Qeveria nuk duhet të mer vendim të shpejt as të lehtë por të menqur.