Balerina shqiptare që po mahnit Italinë

Balerina shqiptare që po mahnit Italinë

Bruna Merko
Një prej balerinave më të famshme dhe më të dashura tani për tani në Itali është një shqiptare. Ajo është Anbeta Toromani, që ka bërë për vete publikun italian me performancat e saj.




Talenti nuk ka kombësi, nuk mund të jesh vendas apo i huaj. Dhe rastësia bën që një prej balerinave më të famshme dhe më të dashura tani për tani në Itali të jetë një shqiptare. Ajo është Anbeta Toromani, që ka bërë për vete publikun italian me performancat e saj, në “Amici” si dhe kohët e fundit në spektakle që kanë pasur pikërisht atë si protagoniste. Anbeta arrin të tërheq edhe spektatorin më të painteresuar dhe t’i transmetojë emocione në çdo shfaqje. Ndërsa sonte në mbrëmje balerina shqiptare do të ngjitet në skenën e madhe të Aristonit, me shfaqjen të titulluar “Anbeta e Jose, tour 2009”. Mediat italiane po thuajse çdo ditë po shkruajnë për talentin e jashtëzakonshmes Toromani. Së bashku, ajo shqiptare dhe Jose, kuban, do të performojnë në skenën prestigjioze disa prej kryeveprave botërore.
Anbeta ka qenë disa herë fituese e çmimeve të mëdha italiane në balet, ajo ka tërhequr vëmendjen si të publikut ashtu edhe të profesionistëve të këtij zhanri.
Sot në Itali fjalë “shqiptar” bën që të vijnë ende në mendje “emigrantë” apo kushtet e “të huajve”. Po nëse me “shqiptar” do të thuash balerinë apo balet gjërat ndryshojnë, pasi në mendje menjëherë të vijnë emra si Kledi Kadiu, Anbeta Toromani apo Leon Cina.