Fillon nënshkrimi i peticionit 's'ka ujë , s'ka vota'

Fillon nënshkrimi i peticionit 's'ka ujë , s'ka vota'



Fillon sot nënshkrimi i peticionit :s'ka ujë ,s'ka vota". Ky peticion vije si rezultat i iniciativës së Rrjetit të Grupeve të Grave të Kosovës, “Zëri i Votuesve”, ku qytetarët kanë shprehur pakënaqësitë e tyre ndaj qeverisjes në nivel lokal apo qendror.
Në linjat pa pagesë janë pranuar më shumë se 1600 thirrje, ndërsa Mungesa e ujit të pijshëm ishte ndër ankesat kryesore të qytetarëve

S’ka ujë, s’ka vota






Nga Besiana Xharra

Nëpërmjet iniciativës së Rrjetit të Grupeve të Grave të Kosovës, “Zëri i Votuesve”, qytetarët kanë shprehur pakënaqësitë e tyre ndaj qeverisjes në nivel lokal apo qendror.

Në linjat pa pagesë (0800 201 401) janë pranuar më shumë se 1600 thirrje, ku mungesa e ujit të pijshëm si dhe sistemet e dobëta të ujërave të zeza ishin ndër ankesat kryesore të qytetarëve, bëri të ditur Igballe Rugova, drejtoreshë Ekzekutive i rrjetit të Grupeve të Grave të Kosovës, e cila të hënën mbajti një konferencë për media lidhje me këtë temë.

“Më së shumti ankesa të qytetarëve për mungesë të ujit të pijshëm janë regjistruar nga komuna e Prishtinës, Gjilanit, Vushtrrisë, Malishevës, Hanë Elezit dhe Mamushës”, u shpreh Rugova.

Kjo nuk është një iniciativë e kësaj Organizate, bëri të ditur Rugova, sipas së cilës janë qytetarët ata që kanë ngritur këtë çështje, pasi që janë lodhur me premtimet e politikanëve të cilat po i bëjnë gjate zgjedhjeve, e më pas nuk po i realizojnë.

“Gjatë fushatave parazgjedhore shumica e politikanëve që kandiduan në atë kohë, dhe që tani janë në pozita udhëheqëse, kanë premtuar se gjendja me reduktimet e ujit do të përmirësohet pasi ata të përzgjidhen prej qytetarëve. Një gjë e tillë nuk është vërejtur të ketë ngjarë, përderisa qytetarët sot ende vazhdojnë të i bartin pasojat”, tha Rugova.

Prandaj, me moton “S’ka UJË, S’ ka VOTA, qytetarët do t’ua bëjnë me di je politikanëve, se nëse gjendja e ujit nuk do të përmirësohet, qytetarët nuk do të marrin pjesë në zgjedhje, shtoi, ajo.

Kështu prej 24 gushtit fillon nënshkrimi i peticionit nëpër komuna, ku kjo organizatë do të ndërmarr aksione derë më derë për të mbledhur nënshkrime nga qytetarët, të cilat më pas do të ju drejtohen institucioneve përgjegjëse.

“Peticioni do të qarkullojë nëpër të gjithë Kosovën deri në fund të muajit shtator she pasi që të mblidhen nënshkrimet e qytetarëve, do të ju dërgohen Udhëheqësve të Komunave, Ministrit të Ambientit dhe Planifikimit hapësinor dhe Parlamentit të Kosovës”, bëri të ditur Rugova.

Në kushtetutën e Kosovës thuhet se 10 mijë nënshkrime, bëjnë ndryshime, prandaj kjo organizatë shpreson se këtë shifër do ta arrisim dhe do të ndikojnë për të përmirësuar gjendjen e ujit të pijshëm dhe të ujërave të zeza.