Familja Ahmeti e ka humbur durimin

Familja Ahmeti e ka humbur durimin



Edhe gjashtë vjet pas vrasjes në pritë të policit hetues Hajdar Ahmeti në Berjahë të Gjakovës, nuk është bërë asgjë për ndriçimin e këtij krimi dhe daljen e autorëve para drejtësisë. Bëhen gjashtë vite që kur premtimi institucional i kryepolicit Sheremet Ahmeti, në ditën e varrimit të policit të vrarë “për të rrokullisur çdo gurë për gjetjen e autorëve të krimit” është zbehur në tërësi, në veçanti tek familja! Por dhe premtimi dhe deklarimi tjetër që gjashtë muaj nga ministri Zenun Pajaziti në familjen Ahmeti se do bëhet presion për gjetjen e autorëve nuk ka sjellë ende ndonjë lajm për institucionet, familjen dhe opinionin! Këto kalime kohësh tek familja Ahmeti në Berjahë kanë zbehur edhe premtimet e dhëna institucionale! Hasani, babai i policit të vrarë, shprehet me dëshpërim ndaj institucioneve përkatëse. Ai vlerëson se premtimet nuk ishin tjetër pos marketing politik. “U bënë gjashtë vjet që kur u vra biri im, Hajdari. Edhe pse u dhanë shumë premtime se vrasësit do të sillen para gjyqësisë së Kosovës, si duket ishte dhe mbeti vetëm marketing politik dhe asgjë tjetër. Pra, su lëviz asgjë që nga ajo ditë dhe deri më tani’ shprehet i zhgënjyer në pritje të gjatë Hasan Ahmeti.Për më tepër,ai dyshon se kriminelët edhe mund të dihen dhe nuk zihen dhe se me insitucionet shtetërore menaxhohen nga jodrejtuesit e tyre.Këtë pohim Hasan Ahmeti e thekson me pezëm dhe shqetësim shumë të theksuar duke thënë ” kam besuar shumë në instanca shtetërore, por paskam besuar kot, sepse si duket dhe thuhet tjetërkush udhëheq me shtetin e jo ata që duhet ta drejtojnë shtetin dhe t’i marrin kompetencat në duar”. Familja Ahmeti nuk po kërkon asgjë tjetër pos që kriminelët të gjenden para drejtësisë.
Kastriot Shehdadi