Vazhdojnë rindërtimet te Kroi i Vitakut

Vazhdojnë rindërtimet te Kroi i Vitakut

Policia e EULEX-it ka formuar një kordon përgjatë rrugës që çon deri te vendi i ndërtimit.



Zëdhënësi i policisë Në Mitrovicë, Besim Hoti njoftoi se banorët shqiptarë të lagjes “Kroi i Vitakut” në veri të Mitrovicës, po vazhdojnë edhe sot punimet me qëllim rindërtimin e shtëpive.

Në praninë e theksuar të policisë së EULEX-it dhe policisë së Kosovës, në lagjen Kroi i Vitakut sot ka vazhduar rindërtimi i shtëpive të shqiptarëve. Policia e EULEX-it ka formuar një kordon përgjatë rrugës që çon deri te vendi i ndërtimit.Zëdhënësi i policisë së EULEX-it për veriun e Kosovës, Hans Kristijan Klasnig, tha se situata është njësoj si dje, dhe se prania e madhe e pjesëtarëve të sigurisë nevoitet për të penguar dhunën ndërmjet shqiptarëve dhe serbëve.
Zëdhënësi i policisë Në Mitrovicë, Besim Hoti njoftoi se banorët shqiptarë të lagjes “Kroi i Vitakut” në veri të Mitrovicës, po vazhdojnë edhe sot punimet me qëllim rindërtimin e shtëpive. Sipas Hotit forcat e Policisë së Kosovës dhe EULEX-it , po kujdesen për sigurinë e qytetarëve të atjeshëm. “Në lagjen “Kroi i Vitakut” tash kemi një situatë të qetë nën pranin] e forcave të shtuara policore të EULEX-it dhe Policisë së Kosovës dhe nuk është shënuar asnjë incident deri më tani”, ka deklaruar zëdhënësi Hoti.Ndërkaq sa i përket incidentit ku ishin përleshur të rinjtë shqiptar dhe serbë, në lagjen Kodra e Minatorëve. Zëdhënësi i policisë në Mitrovicë, Besim Hoti, njoftoi se në këtë rast nuk ka të lënduar, ndërsa disa orë më vonë kishin ndodhur dy shpërthime të fuqishme, lokacioni i të cilave ende nuk është verifikuar.
“Policia e Kosovës së bashku me ekipet e KFOR-it ka reaguar menjëherë duke dalë në vend të ngjarjes (Kodra e Minatorëve) mirëpo deri më tani nuk kemi arritur të sigurojmë se ku saktësisht kanë ndodhur shpërthimet. Besohet se shpërthimet janë regjistruar në një fushë të hapur në zonën e lagjes “Kodra e Minatorëve”, ndërkaq nga banorët e shqetësuar nuk kemi arritur të sigurojmë informacion nëse ka pasur të lënduar nga shpërthimet ose edhe dëme materiale”, ka theksuar Hoti. Megjithatë gjendja në veri të Mitrovicë sot është e qetë. Për nesër në lagjen “Kroi i Vitakut” është paraparë që punimet të zgjerohen, duke prekur më thellë zonën e fshatit.