Pacolli kërkoi nga Gadafi njohjen e pavarësisë së Kosovës

Pacolli kërkoi nga Gadafi njohjen e pavarësisë së Kosovës

Bota sot
Lideri i Libisë, përgëzon popullin e Kosovës, për hapat e tij drejt ndërtimit të shtetit sovran dhe nënvizon se nuk do të ketë asnjë barrierë për lëvizje të lirë të popullit të Kosovës në Libi, zhvillimin e marrëdhënieve në fushën ekonomike dhe në gjitha fushat e tjera të jetës.



Presidenti i AKR-së, Behgjet Pacolli, takon liderin libian, Moamer El Gadafi.


Tripoli 9 shkurt
Presidenti i AKR-së, Behgjet Pacolli, në kuadër të fushatës së lobimit për njohjen e Kosovës, ka udhëtuar në Libi, ku është takuar me liderin e këtij vendi, z. Muammar al Gaddaf.
Gjatë këtij takimi, shumë miqësor, z. Pacolli i uroi Liderit të pakontestueshëm të Libisë, 40 vjetorin e revolucionit. Në një ekspoze të gjatë, z. Pacolli e informoi Liderin e Libisë për rrjedhat politike në Ballkan dhe veçanërisht në Kosovë. Në këtë takim Presidenti i AKR-së, kërkoj nga z. Muamr Gadaf, njohjen e Republikës së Kosovës dhe vendosjen e linjave të përbashkëta të bashkëpunimit ndërmjet dy vendeve. Lideri i Libisë, z. Gadaf, me shumë interes është informuar për rrjedhat politike në Kosovë, pasi që ky ishte kontakti i parë i tij për Kosovën.
Lideri i Libisë, përgëzon popullin e Kosovës, për hapat e tij drejt ndërtimit të shtetit sovran dhe nënvizon se nuk do të ketë asnjë barrierë për lëvizje të lirë të popullit të Kosovës në Libi, zhvillimin e marrëdhënieve në fushën ekonomike dhe në gjitha fushat e tjera të jetës. Ai këtë e thekson disa herë duke lënë të kuptohet se Libia nuk do të refuzojë qytetarët e Kosovës të cilët janë të interesuar të udhëtojnë në Libi.
Lideri i Libisë, z. Gadaf, iu bënë thirrje promotorëve ekonomik Kosovës, që të lidhin marrëdhënie ekonomike me Libinë. Libia njihet sot si vendi më me rëndësi në Afrikë dhe luan rolin e udhëheqësit në vendet e Afrikës, duke gëzuar një respekt të posaçëm te vendet e konferencës Islamike.
Shqyrtohet njohja
Pavarësisht të raporteve të mira me Serbinë dhe kërkesën e Rusisë për njohjen e Abkazisë dhe Osetisë, Lideri i Libisë, Gadaf, premtoj se do të shqyrtojë me vëmendje mundësinë e njohjes së Kosovës nga vendi i tij.