Kompletohet Agjencia e Kosovës për Inteligjencë

Kompletohet Agjencia e Kosovës për Inteligjencë

Bota sot




Emërohen zv.drejtori dhe kryeinspektori i AKI-së


Në bazë të neni 84, pika 21, nenit 94, pika 8 dhe nenit 129, pika 3 të Kushtetutës së Republikës së Kosovës si dhe në bazë të nenit 6, pika 3 të Ligjit për Agjencinë e Kosovës për Inteligjencë, Presidenti i Republikës së Kosovës dhe Kryeministri i Republikës së Kosovës emëruan sot z. Latif Merovci, me vendbanim në Prishtinë, Zëvendësdrejtor të Agjencisë së Kosovës për Inteligjencë.
Po ashtu, Presidenti Sejdiu dhe Kryeministri Thaçi, emëruan Agron Selimajn, me vendbanim në Prishtinë, Inspektor të Përgjithshëm të Agjencisë së Kosovës për Inteligjencë. Ky emërim u bë në bazë të neni 84, pika 21, nenit 94, pika 8 dhe nenit 129, pika 3 të Kushtetutës së Republikës së Kosovës si dhe në bazë të nenit 9, pika 1 të Ligjit për Agjencinë e Kosovës për Inteligjencë. Inspektori i Përgjithshëm i Agjencisë së Kosovës për Inteligjencë emërohet për një mandat katërvjeçar, me mundësi vazhdimi për një mandat të dytë. Inspektori i Përgjithshëm i Agjencisë së Kosovës për Inteligjencë ushtron të drejtat dhe kryen përgjegjësitë e veta në përputhje me Kushtetutën e Republikës së Kosovës dhe me Ligjin për Agjencinë e Kosovës për Inteligjencë.