Zyra per Mbrojtjen e Konsumatoreve: Leter e hapur drejtuar Kryeministrit Berisha

nga **Agim Gashi** Thu Sep 10, 2009 10:12 pm

Zyra per Mbrojtjen e Konsumatoreve: Leter e hapur drejtuar Kryeministrit Berisha

Zyra per Mbrojtjen e Konsumatoreve, me ane te nje letre te hapur drejtuar Kryeministrit Berisha, i kerkon qeverise marrjen e menjehershme te 25 masave kunder rritjes se cmimeve ne produktet jetike. Drejtuesi i kesaj zyre, Altin Goxhaj, deklaron se keto 25 masa vijne nga teoria ekonomike “Kejnsianiste” anti-krize dhe i propozohen qeverise per te luftuar varferine dhe per te frenuar rritjen e cmimeve. Keshtu, ZMK i propozon kreut te qeverise, Berishes, qe te fuqizoje Autoritetin e Konkurrences ne menyre qe te rriten aftesite hetuese per bizneset ne vend. Nga ana tjeter, nga kjo zyre kerkohet edhe ngritja sa me e shpejte e Gjykates se Arbitrazhit, duke zgjeruar veprimtarine edhe ne mbrojtje te konsumatoreve shqiptare. Ne lidhje me cmimin e rritur te bukes ne vend, nje mase e propozuar nga ZMK eshte edhe ngritja e nje fabrike shteterore te miellit, qe do te korrigjoje vendimin e marre gjate qeverisjes se socialisteve, kohe ne te cilen u privatizua Fabrika e Miellit Tirane.

“Kjo fabrike ishte rregullatori kryesor i cmimeve te bukes se shqiptareve, sepse nderhynte ne treg sipas modelit kejnsianist! Receta e Bankes Boterore per privatizimin e saj si shume receta te tjera te ngjashme ishte nje recete e helmuar, sepse sot po paguajme buken me shtrenjte”, theksohet ne letren qe drejtori i ZMK-se i drejton Kryeministrit Berisha. Po keshtu, ne lidhje me ngritjen e cmimit te bukes, propozohet edhe defiskalizimi i plote i prodhimit te saj dhe ashpersimi i formalizimit te tregut te bukes. Nga ana tjeter, Zyra per Mbrojtjen e Konsumatoreve kerkon edhe subvencionim nga ana e qeverise per shtresat ne nevoje, subvencionim ky qe shtrihet ne mallra konsumi dhe sherbime. Po keshtu, nga kjo zyre kerkohet edhe subvencionimi i pagesave te energjise elektrike ne baze per familje shume te varfra qe harxhojne ne menyre kursimtare brenda nevojave te domosdoshme. ZMK kerkon nderhyrjen e shtetit ne uljen e cmimeve, si i vetmi avokat per mbrojtjen e te drejtave te konsumatoreve.

25 masat e propozuara kunder rritjes se cmimeve dhe varferise:

1. Fuqizimi i Autoritetit te Konkurrences per te rritur aftesine hetuese

2. Forcimi i rolit te agjencive rregullatore

3. Ngritja sa me shpejt e Gjykates se Arbitrazhit, duke zgjeruar veprimtarine edhe ne mbrojtje te konsumatoreve

4. Fuqizimi administrativ dhe i aftesise se ndermarrjes se masave ndeshkuese te inspektorateve teknike qe mbulojne ushqimin, produktet dhe nenproduktet blegtorale, metrologjine, inspektoratin teknik, ate te shendetit etj., dhe orientimi buxhetor i te ardhurave drejt permiresimit te punes se ketyre institucioneve

5. Krijimit te ndermarrjeve ekonomike tregtare shteterore te defiskalizuara, te cilat importojne nga jashte dhe shesin brenda ne tregun e shumices, duke balancuar cmimet e shumices ne treg (drithera, vaj, karburante)

6. Ndertimit te nje fabrike shteterore te miellit (per te korrigjuar privatizimin e Fabrikes se Miellit Tirane), e cila te funksionoje pa taksa, duke ndikuar ndjeshem ne cmim

7. Krijimit te kooperativave tregtare bujqesore pa taksa, te cilat stimulojne prodhimin vendas dhe iu jepen ne dispozicion tregje publike apo supermarkete te tipit kooperativa prane qendrave te banuara

8. Defiskalizimi doganor i disa produkteve baze ushqimore lokale si dritherat, perimet, vaji, produktet dhe nenproduktet blegtorale

9. Defiskalizimi i plote i prodhimit te bukes dhe ashpersimi i formalizimit te tregut te bukes

10. Defiskalizimi i librit, arsimit dhe formimit profesional privat, si dhe subvencionimi i plote i artikujve shkollor per femijet e varfer

11. Nderhyrja e drejtperdrejte fiskale (dhe ashpersimi i masave ekzistuese) ne normen e fitimit per shume biznese ne sektore specifik si tregtimi i produkteve ushqimore, karburanteve, telefonise, energjise elektrike, siguracioneve etj.

12. Nderhyrja e drejtperdrejte ne percaktimin e cmimeve ne transporte urbane dhe interurbane, si dhe rivleresimit te shtetezimit te transportit shteteror urban si alternative ne rast te mosmarreveshjeve per cmimet me transportin privat (ne rast bojkoti)

13. Detyrimi i ashper i vendosjes se kasave te regjistrimit dhe reduktimit te qarkullimit te parase kesh ne treg

14. Subvencionimi i siguracioneve shoqerore ne varesi te rritjes se rrogave te te punesuarve te rinj dhe te kryefamiljareve me shume pjesetare te familjes ne pergjegjesi

15. Permiresimi dhe lehtesimi i informacionit te tregut te punes duke ndihmuar ne orientimin e punes ditore per me nevojtaret

16. Percaktimi me ligj i minimumit jetik te varferise duke ndihmuar drejtperdrejt me produkte ushqimore dhe ilaceve shtresa te caktuara te popullsise qe ndodhen ne skajet e varferise

17. Subvencionimi dhe rigjallerimi i sektorit jofitimprures te ndihmes humanitare qe ka pesuar renie kohet e fundit duke synuar drejtperdrejt listat e zeza te ushqimeve

18. Subvencionimi i pagesave te energjise elektrike ne baze per familje shume te varfra qe harxhojne ne menyre kursimtare brenda nevojave te domosdoshme

19. Heqja e taksave per pajisjen me dokumente te shtresave shume te varfra

20. Subvencionimi i transportit per te varfrit ne periferi te Tiranes qe kerkojne pune apo punojne larg vendbanimit

21. Rritja e diferencuar deri ne 50% e pensioneve per nje kategori pensionistesh qe jetojne pa mbeshtetje familjare

22. Hapja e mensave publike falas per te varfrit dhe sidomos per femijet dhe pensionistet ne periferi

23. Inkurajimi fiskal i bizneseve private per te hapur fondacione humanitare qe nuk synojne spektaklin, por ndihmen e drejtperdrejte humanitare per te varfrit

24. Inkurajimi i iniciativave humanitare qytetare

25. Rivleresimi i buxhetit 2008 ne 6mujorin e dyte duke rivleresuar mbeshtetjen per te varfrit.

tel. 0038970341266

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30