Çdo gjë që ka të bëj me zgjedhjet lokale në Kosovë

LDK-ja pret fitore të sigurtë

Në degën e LDK-së, vlerësojnë se kandidatri i tyre Hanefi Muharremi, është personi më i përshtatshëm për kryetar të kësaj komune.

Prizren, Autoritetet e degës së Lidhjes Demokratike në Prizren, në konferencën e sotme për media, kanë shpërfaqur optimizmin e tyre, se janë në rrugë të mbarë, që më 15 nëntor, definitivisht ta rimarrin pushtetin lokal në këtë komunë. Në këtë kontekst, kryetari i Shtabit Zgjedhor i LDK-së në Prizren, z. Ridvan Hoxha, dhe njëherësh bartës i listës kandiduese për këshilltar komunal në zgjedhet e kësaj vjeshte, i njoftoi gazetarët, se procesi i pregaditjeve për këto zgjedhje, në degën e këtushme të LDK-së, po karakterizoet nga një ritëm nivelesh të dëshiruara, duke e pasur parasysh kandidimin e personit më të përshtatshëm për kryetar komune, siç është z. Hanefi Muharremi, si dhe nominimi i sukseshëm i 45 emrave për të garuar për postin e këshilltarit emra këto që, kryesisht dolën nga propozimet e ndëndegëve, të shoqërsë civile, por edhe nga qytetarët. Ndërkaq që nga komunikata e djeshme e LDK-së në Prizren, mësohet se nga takimi i Shtabit rajonal të LDK-së për zonën e Përdrinisë, doli vendimi që nëndegët e atjeshme t’u qasen intensivisht identifikimit të kërkesave të banorëve të atjeshëm. /M. Shasivari

KQZ, konfirmohen 2788 qendra të votimit





Kryetarja e KQZ-së Nesrin Lushta


Komisioni Qendror i Zgjedhjeve në mbledhjen e rregullt ka raportuar për aktivitetin e vet të rregullt në të cilin kanë raportuar kryetarja e KQZ-së Nesrin Lushta e kryeshefi i KQZ-së, Xhemajl Peqani. Lushta i ka njoftuar anëtarët e KQZ-së lidhur me takimin me kryetarët e Gjykatave Komunale të Kosovës të mbajtur më 17 shtator. Kryetarja Lushta ka thënë se, në takim kanë marrë pjesë 15 kryetar të gjykatave dhe këta kryetar kanë shprehur gatishmërinë për implementimin e ligjit dhe për përkrahjen e procesit zgjedhor.
Kryeshefi i SKQZ-së, Xhemajl Peqani, në kuadër të aktiviteteve të tija, ka informuar se është takuar me drejtorin e Administratës Tatimore të Kosovës z. Behxhet Haliti, e në të cilin takim është kërkuar heqja e tatimeve për pagesat e KVV-e dhe stafit teknik të angazhuar për zgjedhjet. Më datën 21 shtator, është bërë shpërndarja e CD-ve me listën preliminare të LV të të gjitha partive politike në nivelin qendror dhe më datën 22, është bërë shpërndarja e CD-ev në të gjitha 36 zyrat e ZE të KKZ-ve. Kryeshefi Xhemajl Peqani, ka informuar edhe lidhur me periudhën e Shërbimit të Votueseve që ka filluar më 1 shtator, dhe që ka përfunduar më 15 shtator. Gjatë kësaj periudhën zyrat e ZE të KKZ-ve kanë bërë konfirmimin e Qendrave të Votimit 2788 persona, kurse e kanë bërë ndërrimin 1550 persona me të drejtë vote. Gjithashtu, gjatë kohës së operacionit të shërbimit të Votimit Përmes Postës deri më 15 shtator, aplikacione të pranuara përmes postës dhe të marra nga Mali i zi, janë 2113. Ndërkaq, 516 aplikacione janë pranuar përmes faksit, e-majlit dhe formave të tjera. Si aplikacione të rregullta janë pranuar 2629, nga të cilat janë aprovuar si të vlefshme 1807 kurse, janë refuzuar 822 aplikacione. Kryeshefi Peqani, ka informuar se totali i aplikacioneve të pranuara është 2497 aplikacione. Lidhur me njoftimin për punën e Këshillave të KQZ-së, kanë referuar Xhelil Pajaziti nga Këshilli për Buxhet dhe Prokurim dhe Ilir Fetahu nga Këshilli për Operacione Zgjedhore. Anëtarët e KQZ-së, me këtë rast kanë miratuar raportin e shpenzimeve për muajin gusht dhe, kanë kërkuar që edhe njëherë të shqyrtohet për rekomandim projekti ECMI “Edukimi i votuesve në komunat e reja”. Në këtë mbledhje, anëtarët e KQZ-së kanë shtruar pyetje të ndryshme lidhur me procesin zgjedhor, aspektet organizative të procesit etj.

Lushta: Posterët politike, shkelje


Kryetarja e KQZ'së, Nesrin Lushta, u ka dhënë Fonds dilemave. Të Marder ajo ka deklaruar se vendosja e posterëve politike, Rn 15 tetorit, është shkelje e rregullave zgjedhore.

Nga Express

Kryesuesja e Komisionit Qendror të Zgjedhjeve, Nesrin Lushta, ka reaguar ndaj posterëve parazgjedhorë të vendosur Neper Prishtina PDK dhe nga AAK abs. fillimit zyrtar të fushatës zgjedhore. Herzog konsideruar e si shkelje të ligjit vendosjen e këtyre posterëve, ajo u ka bere thirrje partive qe te presin dhe t'i respektojnë afatet ligjore. "Per mendimin tim, ata jane Herzog bere shkelje, sepse ligji e thotë kohen kur ata mund të bëjnë fushatë", ka thene Lushta të Marten.

Komentet e Lushtes kane ardhur në kohen kur Prishtina është mbushur mir posterë gjigantë të kandidatit të Partisë Demokratike të Kosovës për kryeqytetin, Astrit Salihu, dhe të dy drejtuesve të AAK'së, Ramush Haradinaj e Blerim Shala. Zyrtarisht fushata zgjedhore duhet të fillojë më 15 TETOR, një muaj para zgjedhjeve, por Partite nuk kane qenë per te durueshme ta pritur këtë Datum.

E tere vera është përshkuar mir Aktivitete politike, që në fakt përbënin elemente fushate. Përderisa Partite krijonin atmosfere parazgjedhore mir përurime, ato në opozitë Benin politiken Herzog trumbetuar aderimet e reja mir shpërndarje librezash. Nesrin Lushta ka shfaqur të një Marder Tendence të partive per te afruar të dhëna të pasakta për kandidatët, me të cilët kane konkurruar në zgjedhje. Por, ajo nuk ka saktësuar per se cilat parti dhe për cilët kandidate Behet fjalë.

"Partite duhet të kene kujdes mir kandidatët që paraqesin dhe të mos prezantojnë të dhëna të pasakta", ka thene Lushta. Kjo pasi që anëtarë të KQZ'së kane paraqitur dyshimet e Reifen për faktin se certifikimi i subjekteve politike dhe të kandidatëve Reifen po Behet mir shpejtësi.

"Dua të di si po Behet procesi i verifikimit dhe të kandidatëve cila është mënyra e verifikimit që është duke u përdorur. Mendoj se te dhënat e kandidatëve dhe të partive nuk duhet Jene mjaftueshme per te t'u dhënë vizën atyre për t'u certifikuar ", ka thene Florian Dushi, anëtar i KQZ'së nga LDK.

Ndërkohë, Blerim Burjani, përfaqësues i AAK'së, ka thene se nuk duhet t'u besohet vetem deklarimeve të partive për pastërtinë e figurave të kandidatëve të Reifen. "Certifikimi i kandidatëve duhet Behet mbështetur në të dhëna të institucioneve relevante - policisë, prokurorisë dhe Agjencisë Anti-korrupsion", ai ka thene.

KQZ përmbyll procesin e certifikimit

Komisioni Qëndror i Zgjedhjeve në Kosovë ka përmbyllur procesin e çertifikimit të subjekteve politike që do të marrin pjesë në zgjedhjet lokale të 15 nëntorit.



Zgjedhjet lokale të 15 nëntorit janë të parat pas shpalljes së pavarësisë së Kosovës dhe ato kësaj here do të organizohen nga vendorët me mbikqyrjen e OSBE-së.
Votimet do të mbahen në 36 komuna të Kosovës, duke përfshirë këtu edhe tri të reja me shumicë serbe që do të themelohen menjëherë pas procesit zgjedhor


Prishtinë - Komisioni Qendror i Zgjedhjeve në Kosovë ka përmbyllur procesin e certifikimit të subjekteve politike që do të marrin pjesë në zgjedhjet lokale të 15 nëntorit. Nga 76 subjekte politike sa kanë aplikuar në Komisionin Qëndror të Zgjedhjeve, vetëm dy nuk janë çertifikuar. Një iniciativë qytetare serbe në rajonin e Gjilanit është tërhequr nga gara, ndërsa një kandidat i pavarur në komunën e Skënderajt nuk është certifikuar pasi nuk plotësonte kriteret e caktuara nga KQZ. Ndërkohë, partitë e mëdha politike në Kosovë kanë filluar fushatën parazgjedhore edhe para shpalljes zyrtare të saj. Zgjedhjet lokale të 15 nëntorit janë të parat pas shpalljes së pavarësisë së Kosovës dhe ato kësaj here do të organizohen nga vendorët me mbikqyrjen e OSBE së. Votimet do të mbahen në 36 komuna të Kosovës, duke përfshirë këtu edhe tri të reja me shumicë serbe që do të themelohen menjëherë pas procesit zgjedhor. Nga 74 subjekte politike sa do të marrin pjesë në zgjedhje, 20 janë nga radhët e komunitetit serb.

Thaçi: Angazhohem për zgjedhje fer dhe demokratike

Thaçi ka shprehur përkushtimin e tij për zgjedhje të lira, fer dhe demokratike



Kryeministri Hashim Thaçi


Kryeministri Hashim Thaçi ka shprehur përkushtimin e tij për zgjedhje të lira, fer dhe demokratike, ndërkohë që nuk ka dashur të komentojë nëse fushata zgjedhore do të ndikojë në koalicionin mes Partisë Demokratike të Kosovës dhe Lidhjes Demokratike të Kosovës.
Ai ka thënë se si kryeministër i vendit do të angazhohet për zgjedhje të lira, ndërkaq ka falënderuar edhe partitë politike për mesazhin e mirë që po japin para qytetarëve.
I pyetur për uljen e taksave për mediat, Thaçi ka thënë se është duke u punuar në këtë drejtim në mënyrë që vendimi që do të merret të jetë i pranueshëm.
Ndryshe, kryeministri Thaçi edhe njëherë ka shprehur përkushtimin e Qeverisë dhe gjithë institucioneve tjera për hulumtimin e rastit të sëmurjes së nxënësve në shkollën "Hivzi Sylejmani" dhe "Selman Riza" në Fushë Kosovë.
Me këtë rast ai ka kërkuar nga të gjithë që të jenë të përmbajtur nga përfundimet sa i përket sëmundjes së fëmijëve, ndërkohë që u ka uruar shërim sa më të shpejtë dhe kthim në bankat shkollore.

U tërhoq shorti për zgjedhjet e nëntorit

KQZ-ja ka hedhur shortin për renditjen e subjekteve politike në fletëvotime



Nga mbledhja e KQZ-së

Komisioni Qendror Zgjedhor ka hedhur shortin për renditjen e subjekteve politike në fletëvotime për zgjedhjet lokale të 15 nëntorit, ku në tërheqjen e shortit morën pjesë përfaqësues të 73 subjekteve politike. Sipas shortit të tërhequr, PDK do të ketë numrin 51, LDK 77, AKR 64, LDD 65 dhe AAK 46.
Kryetarja e KQZ së, Nesrin Lushta, ka thënë me këtë rast se τdo gjë ka shkuar sipas rregullave të parapara dhe se është e kënaqur me punën që është bërë.
"Jemi të kënaqur si KQZ, për arsye se çdo gjë sot ka qenë në rregull, përfaqësuesit e subjekteve politike kanë ardhur, e kanë tërheq shortin dhe renditja e numrave është bërë", tha ajo.

Numrat e garuesve

Nga Express

Komisioni Qendror zgjedhor të premten ka bere hedhjen e shortit për numrat që do t'i mbajnë Partite politike Zgjedhjet lokale në të nëntorit.

Duket se me e kënaqura nga Partite e Medha kësaj Radhe, është ndarë Lidhja Demokratike e Kosovës. Ajo nxori numrin 77. Kurse Partia Demokratike e Kosovës, doli mir numrin 51.

Aleancës për Ardhmërinë e Kosovës i takon numri 46, Aleancës Kosova e Re 64, ndërsa Lidhjes Demokratike të Dardanisë 65. Partia réformiste ORA mbanë numrin 101, ajo e Drejtësisë 43 dhe Partia Socialdemokrate e Kosovës numrin 103.

U vlerësua se numrin me me Fett nga 74 subjektet politike dhe kandidatët ee Pavarur do të mbajë Partia Demokratike e Ashkalinjëve të Kosovës mir 100 numer.

Me këtë rast kryetarja e KQZ'së Nesrin Lushta tha se përgatitjet për Zgjedhjet lokale jane bere dhe u zotua ato se të lira dhe të jeté Demokratike tun.

Parashikohet dalje e ulët në votime

Qarqet perëndimore parashikojnë dalje të ulët në votime, në zgjedhjet lokale që do të mbahen më 15 nëntor në Kosovë.



Sipas parashikimeve, vlerësohet se do të ketë numër të vogël të votuesve në Kosovë

Sipas disa hulumtimeve të ndërkombëtare, nëse zgjedhjet lokale do të mbaheshin në fund të muajit shtator, atëherë dalja e votuesve do të ishte nën 40%.
Kjo përqindje do ishte edhe më e ulët se ajo e nëntorit të vitit 2007, kur në zgjedhje, sipas shifrave zyrtare – kishin dalë gjithsej 42% e votuesve.
Sipas këtyre raporteve, tek shumica shqiptare, mbizotëron përshtypja se ndryshimet në skenën politike të vendit nuk mund të ndodhin aq shpejt, përmes votimit, ndërsa te komuniteti serb, i cili ka një numër të konsiderueshëm të votave, sipas të gjitha gjasave, do të fitojë drejtimi i bojkotit të zgjedhjeve.
Megjithatë, kur bëhet fjalë për votuesit shqiptarë, thuhet se situata edhe mund të ndryshojë në javët e ardhshme, varësisht prej cilësisë së fushatës parazgjedhore të partive të vendit, dhe prej debateve midis kandidatëve kryesorë për postin më të rëndësishëm të kryetarit të komunës.
Lista e votuesve për zgjedhjet komunale të 15 nëntorit (2009) do të mbërrijë numrin prej 1.6 milion qytetarëve më të drejtë vote, që është numri më i lartë prej tetorit të vitit 2000, kur për të parën herë u mbajtën zgjedhjet e lira dhe demokratike në Kosovë.
Në një debat të organizuar të premten në Media Qendrën në Çagllavicë, kryeministri Hashim Thaçi dhe përfaqësuesi special i Bashkimit Evropian, Pieter Feith u kanë bërë thirrje të gjithë qytetarëve të Kosovës që të marrin pjesë në zgjedhjet lokale të 15 nëntorit, si një mundësi e mirë për zgjedhur përfaqësuesit e tyre për të qeverisur.

KQZ nuk është kompetent të sanksionojë partitë që shkelin ligjin



Komisioni Qendror i Zgjedhjeve, përmes një komunikate për media ka bërë të ditur se, “po punon me përkushtim në përgatitjen dhe organizimin e zgjedhjeve dhe, është duke i kryer detyrat e veta sipas planit dhe ligjit”. Në opinion dhe sidomos më media, siç theksohet në komunikatën e KQZ-së, ditëve të fundit janë drejtuar ankesa në adresë të Komisionit Qendror të Zgjedhjeve për atë se, disa subjekte politike janë duke e thyer fushatën zgjedhore.
Komisioni Qendror i Zgjedhjeve, thuhet në komunikatë, “nuk është kompetent për të vendosur për mosrespektimin e ligjit nga subjektet politike”.
“Sipas Kodit të Mirësjelljes për Subjektet Politike, Mbështetësit e Tyre dhe Kandidatët në nenin 32.2 të Ligjit për Zgjedhjet e Përgjithshme thuhet decidivisht se “KZAP-i ka autoritet ligjor të marrë vendim në pretendimet se janë shkelur dispozitat e këtij Kodi si dhe të shpallë sanksione dhe kompensime në përputhje me procedurat e saj’, theksohet në komunikatën e KQZ-së.

KQZ rendit komunat sipas emërtimeve serbe



Lëvizja për Bashkim - Dega në Vushtrri reagon ndaj mënyrës së renditjes së komunave në Regjistrin e qendrave të votimit, të publikuar nga KQZ-ja. Gjatë shikimit të listave që i ka publikuar Komisioni Qendror Zgjedhor, LB-ja ka vërejtur se renditja e komunave në listat e këtij komisioni është bërë në bazë të renditjes alfabetike të emërtimeve të vendbanimeve të aplikuara në kohën e regjimit të Millosheviqit. Absurditeti i renditjes së komunave në këto lista me alfabet shkon deri aty sa emrat me shkronjën F dalin prapa emrave me shkronjën SH, që konsiston në shfrytëzimin origjinal të renditjes së komunave sipas rendit alfabetik të emërtimeve të aplikuara gjatë kohës së regjimit të egër millosheviqian.. Sa për ilustrim po veçojmë vetëm disa raste që dëshmojnë më së miri për këtë lloj anomalie: Ferizaj është renditur tek shkronja U, që nënkupton Uroshevac, pra në mes të Suharekës dhe Vitisë, përderisa është dashur që të renditet pas komunave me shkronjën D. Ndërsa Mitrovica është renditur tek komunat me shkronjën K, që nënkupton Kosovska Mitrovica, ndërkaq është dashur të renditet tek shkronja M etj.
Lëvizja për Bashkim - Dega në Vushtrri konkludon se KQZ-ja e ka bërë renditjen e listës së komunave të Kosovës duke i respektuar emërtimet sipas sistemit të aplikuar në kohën e Sllobodan Millosheviqit.

Besnik Tahiri në disa fshatra të Prishtinës

Besnik Tahiri sot bashkëbisedoi me qytetarë

Kandidati i AAK së për kryetar të Komunës së Prishtinës, Besnik Tahiri vazhdon takimet e tij në terren, të iniciativës së bashkëbisedimit direkt me qytetarë të Prishtinës, në punën e tij për marrjen e sygjerimeve të drejtpërdrejta të qytetarëve në hartimin e programit të tij zgjedhor.
Gjatë këtyre takimeve ai mori sugjerime të drejpërdrejta rreth infrastrukturës dhe jetesës në fshatrat e asaj ane. Çështjet rreth lokacionit të deponive dhe pastërtisë së lumit që kalon nëpër Barilevë ishin tema. Poashtu, punësimi dhe krijimi i kushteve për punë ishin tema kyqe të debatit.
Në njoftim thuhet se me këte rast janë evidentuar të gjitha kërkesat dhe sugjerimet në mënyrë që të inkorporohen ne programin e tij.

Mustafa: Angazhohemi për një kryeqytet modern

Bota sot
Kryetari i Komunës së Prishtinës, Isa Mustafa, priti në një takim gjeneral Seppe Toivonen, komandant i Task Forcës Qendër



Takimi Mustafa - gjenerali Toivonen


Gjenerali, Toivonen duke e falënderuar kryetarin Mustafa, për pritje, e informoi atë për qëllimin e vizitë si dhe detyrat që është duke i kryer kjo njësi e KFOR-it, në fushën e sigurisë dhe mbështetjen e komunitetit ku vepron.
Kryetari Mustafa e informoi gjeneralin Toivonen, për punët që është duke i kryer komuna në të gjitha aspektet për përmirësimin e kualitetit të jetës së qytetarëve të kësaj komune pa dallim etniteti.
"Në vitet e ardhshme mbetet të punohet në rregullimin e trafiku, sigurimin e ujit të pijshëm, planifikimin urban, trajtimin e ndërtimeve pa leje, përfundimin e unazës së mesme, trajtimin e ujërave të zeza, riciklimin e mbeturinave etj", tha kryetari Mustafa.
"Sa i përket sigurisë së përgjithësime në komunën e Prishtinës, kryetari Mustafa, tha se "është e qetë dhe normale dhe gjatë kësaj periudhe nuk është shënuar ndonjë ekses që mund të diskutohet".
Po ashtu në këtë takim u bisedua edhe për decentralizimin me theks të veçantë për formimin e komunë së re të Graçanicës.
"Tani në zgjedhjet lokale të 15 nëntorit do të votohet për strukturat komunale të Graçanicës, tha Mustafa, duke shtuar se ne do të jemi të gatshëm të ofrojmë mbështetje dhe ndihmë tonë për formimin e kësaj komune duke e bartur edhe buxhetin e planifikuar për këtë komunë të re, sepse jemi të obliguar ta respektojmë Ligjin për decentralizim dhe Pakon e Ahtisarit.
Kryetari Mustafa foli edhe për projektet që janë realizuar dhe janë duke u realizuar në fshatrat e banuara me komunitetin serb.
Ne tha kryetari Mustafa, do të kemi bashkëpunim të ngushtë me komunën e re të Gracanicës, sepse jemi shumë afër, dhe na bashkojnë shume interesa të përbashkëta për qytetarët, si në infrastrukturë arsim etj.
Gjeneral Seppe Toivonen, komandant i Task Forcës Qendër, u shpreh i kënaqur për të arriturat në Komunën e Prishtinës, si dhe për bashkëpunimin e mirë që ka pasur dhe do të ketë me udhëheqjen e Prishtinës kjo Task Forcë.

Kosovë: Të enjten fillon fushata zgjedhore

Subjektet politike në Kosovë po përgatiten për të filluar të enjten fushatën për zgjedhjet lokale të 15 nëntorit, ndonëse disa sosh ka ditë që po zhvillojnë aktivitete parazgjedhore.



Zëdhënësi i KQZ-së, Fehmi Ajvazi paralajmëron se së shpejti do të konfirmohet edhe numri i qytetarëve me të drejtë vote.

Komisioni për Ankesa dhe Parashtresa ka bërë të ditur se ka pranuar të paktën katër ankesa për shkelje të mundshme të rregullave të zgjedhjeve dhe se ato do t’i shqyrtojë këtë javë. Sipas analistëve fillimi i parakohshëm i fushatës zgjedhore nuk është problemi kryesor paraelektoral.“Realisht fushata zgjedhore në Kosovë ka filluar tash e një muaj dhe ky është një realitet. Këtu nuk është krejt e keqja. Secila parti ka nevojë që t’i promovojë kandidatët e vet, të bëj propagandë të ashtuquajtur informative dhe këtu nuk është problemi. Për mua problemi qëndron tek vizionet e partive politike që i ka sot Kosova, se çfarë pushteti lokal do të ndërtojnë ato dhe a do t’i përgjigjet ai pushtet qytetarit të komunave apo konjukturave partiake,”- thotë analisti Matoshi. Ai beson se votuesit e Kosovës do ta shfrytëzojnë fushatën zgjedhore për t’u njohur me programet e kandidatëve që garojnë në komunat e tyre dhe se do të përcaktohen për të votuar për programin, e jo për partinë.
Ndërkohë, në Komisionin Qëndror të Zgjedhjeve thonë se përgatitjet rreth organizimit të zgjedhjeve të para pas pavarësisë, po zhvillohen sipas dinamikës së paraparë.Zëdhënësi i KQZ-së, Fehmi Ajvazi paralajmëron se së shpejti do të konfirmohet edhe numri i qytetarëve me të drejtë vote. “Ne së shpejti presim ta kemi edhe listën e votuesve dhe realisht numri i zgjedhësve nuk do të dihet derisa nuk çertifikohet lista e votuesve. Një ekip i KQZ-së tashmë është në Slloveni për të parë sip o shkon prodhimi I listave të votuesve. Do të ketë rreth 1.5 milion fletëvotime për këtë proces zgjedhor dhe natyrisht dhjetë përqind gjithmonë prodhohen më tepër,”- tha zoti Ajvazi.
Edhe kësaj radhe, diaspora kosovare do të ketë mundësi që të votojë përmes postës. Zëdhënësi Ajvazi thotë se një numër jo aq i madh i kosovarëve që jetojnë jashtë vendit kanë shprehur interesim për të hedhur votën e tyre në zgjedhjet e sivjetme lokale.KQZ-ja ka bërë të ditur se edhe rreth 5 mijë qytetarë të verbër, do të kenë mundësinë për të votuar sipas alfabetit të Brajtit.bbc&bs

LDD nisë fushatën zgjedhore me 15 tetor





Lidhja Demokratike e Dardanisë


Lidhja Demokratike e Dardanisë tha se zyrtarisht do të hapë fushatën zgjedhore të enjten, me 15 tetor, në Prishtinë. Përfaqësues të këtij subjekti politik, thanë se LDD ka respektuar plotësisht dispozitat ligjore për fillimin e kampanjës zgjedhore.Lidhja Demokratike e Dardanisë, zyrtarisht do të hap fushatën zgjedhor në Prishtinë, të enjten në orën 12:00 në sheshin “Nëna Terezë”. Sejdë Tolaj, shef i shtabit zgjedhor në këtë parti, tha se i kanë respektuar dispozitat ligjore për zgjedhjet lokale.
“ LDD konform legjislacionit mbi zgjedhjet lokale zyrtarisht do të hapë fushatën zgjedhore në Prishtinë. me 15 tetor. në ambient të hapur në Sheshin “Nëna Terezë” në ora 12:00. Pra, pikërisht në këtë datë subjekti ynë politik kalon nga faza e planifikimit të kampanjës elektorale, në fazën e realizimit praktik të saj”, ka sqaruar Tolaj.
Tolaj ka kritikuar subjektet tjera politike të cilat, sipas tij, kanë filluar kampanjën elektorale para afatit të paraparë kohorë për këtë çështje.
“Ajo çka deklarohet nga partitë në pushtet dhe ajo çka praktikohet prej tyre janë dy botë krejtësisht të ndryshme. Deklarimet e partive në pushtet rreth respektimit të afateve kohore të fushatës zgjedhore dhe trumbetimi i tyre se gjëja për shkurtim të kohëzgjatjes së kampanjës elektorale nga 30 në 21 ditë, nuk ka qenë gjer tani tjetër gjë përpos manipulim me opinionin publik”, ka theksuar Tolaj.
LDD ka thënë se e mirëpret vendimin e Komisionit Evropian për të monitoruar zgjedhjet në Kosovë, por njëherit kërkojnë nga Komisioni Zgjedhor për ankesa dhe parashtresa që të demonstrojë se në Kosovë ka ligje të cilat duhet të respektohen nga të gjithë.

Partitë politike të gatshme për aktivitete parazgjedhore

Bota sot
Në prag të fushatës parazgjedhore në Kosovë.



Tnëntorit.ë enjten fillon zyrtarisht fushata zgjedhore për zgjedhjet lokale të 15


SubjekteT politike në Kosovë vazhduan aktivitetet parazgjedhore. Kështu, LDK-ja njoftoi se do të fillojë fushatën në orët e para të datës 15 tetor. Ndërsa AAK-ja, tha se tashmë kanë përfunduar të gjitha konsultimet me qytetarë dhe e ka të gatshëm programin zgjedhor.
LDK ka finalizuar agjendën për fushatën zgjedhore më listën e kandidatëve për kryetarë komunash, njoftoi shefi i shtabit zgjedhor, Lutfi Haziri. Ky subjekt politik, do t’i fillojë aktivitetet, një minutë pas mesnatës ndërmjet 14 dhe 15 tetorit. Sipas Hazirit LDK-ja ka respektuar të gjitha rregullat ligjore të kësaj fushate. Motoja e LDK-së do të jetë “Një qëllim dhe një vizion” .
“Ky është afati ligjor të cilin ne në mënyrë solemne me prezencën e vullnetarëve, strukturave dhe autoriteteve tona në ndërtesën e marrë enkas për zgjedhje, do të fillojmë fushatën “Me një qëllim, me një vizion”. Një qëllim dhe një vizion, i një partie që për 20 vjet arriti t’i realizojë premtimet, me punë, me sakrificë dhe me angazhim politik. Një vizion, me kandidatët tonë të komunave dhe me listën partiake si LDK, për të filluar dhe për të fituar besimin e qytetarëve për të ndërtuar komunën”, ka theksuar Haziri.
Ndërsa kandidati i AAK-së për kryetar të Prishtinës, Besnik Tahiri tha se tashmë partia e tij ka përfunduar konsultimet me qytetarë dhe se, sipas tij, AAK-ja tashmë ka programin e gatshëm për të qeverisur me Prishtinën.
“Gjatë gjithë këtij procesi ne jemi munduar të marrim informata sa më të sakta prej tyre në mënyrë që zëri i tyre dhe sugjerimet e tyre të inkorporohen në program. Më gëzon fakti që përveç brengave dhe halleve të qytetarëve, ne kemi marrë edhe ide konkrete të cilat do të hyjnë në ofertën time programore të cilat me rastin e fitores do të jenë projekte të cilat do të ekzekutohen në Prishtinë dhe në lagjet e Prishtinës”, ka thënë Tahiri.
Të enjten fillon zyrtarisht fushata zgjedhore për zgjedhjet lokale të 15 nëntorit. Të gjitha partitë politike thonë se i kanë bërë përgatitjet e nevojshme dhe kanë premtuar se do të zhvillojnë fushatë të qetë dhe të begatshme, me qëllim që të sigurojnë rezultatet që presin.

KQZ: Përgatitjet për zgjedhje, sipas dinamikës


Nga Express

Komisioni Qendror i Zgjedhjeve (KQZ) thotë se përgatitjet rreth organizimit të zgjedhjeve të para pas pavarësisë, po zhvillohen sipas dinamikës së paraparë.

Zëdhënësi Fehmi Ajvazi tha se një ekip i KQZ-së tashmë është në Slloveni për të parë si po shkon prodhimi i listave të votuesve.

"Do të ketë rreth 1.5 milion fletëvotime për këtë proces zgjedhor dhe natyrisht dhjetë për qind gjithmonë prodhohen më tepër”, tha Ajvazi.

Edhe kësaj radhe, diaspora kosovare do të ketë mundësi që të votojë përmes postës. KQZ-ja ka bërë të ditur se edhe rreth 5 mijë qytetarë të verbër, do të kenë mundësinë për të votuar sipas alfabetit të Brajtit.