Jozefina dhe katolikët në qeveri

nga **Agim Gashi** Mon Sep 14, 2009 5:56 pm

Qeveria e re është pa asnjë katolik për herë të parë në 18 vjet demokraci. Rast unik, duke ditur raportet perfekte fetare në Shqipëri, kur dihet tashmë se përherë ka patur në mos dy, të paktën një katolik në qeveritë shqiptare, çka dëshmonte hartimin me kujdes të çdo kabineti qeveritar. Të mërkurën në darkë në mbledhjen e Kryesisë së vogël të PD, të përbërë nga Berisha, Topalli e Patozi, ishin dhe dy emra për ministra me prejardhje katolike, por u sakrifikuan menjëherë prej kryetares së parlamentit. Në letrat e skrivanisë së kryeministrit Berisha, i cili duhet pohuar se mbetej në këto vite mjaft i kujdesshëm në këto raporte përfaqësimi, ndodheshin edhe dy emra deputetësh katolikë; Mark Marku për ministër i Turizmit, Kulturës, Rinisë dhe Sporteve dhe një variant si në formë rezerve i deputetit Uldedaj për ministër i Bujqësisë. Ndonëse dihen raportet e mira mes Jozefinës dhe Uldedajt, përsëri kryetarja e Kuvendit e sakrifikoi deputetin e listës së Shkodrës, sikurse fshiu në letrat e kryeministrit edhe njeriun e Kulturës dhe të Medias, deputetin Mark Marku.

Mund të ishte një temë e fortë se ku e gjen gjithë këtë pushtet zonja Jozefinë mbi Berishën, por më mirë të mos i devijojmë titullit të shkrimit. Fakti tashmë mbetet publik; nuk ka asnjë emër ministri me prejardhje katolike. Natyrisht që kjo lojë dinake është vetëm e Jozefinës, e cila nuk pranon t’i bëjë “hije” në politikë asnjë emër tjetër nga bota katolike shqiptare. Ajo duke e quajtur veten si njeriun e vetëm të dërguar nga Zoti për të përfaqësuar katolikët e Shqipërisë, ka një strategji ogurzezë e shpirt keqdashës; nuk lejon të bëjë karrierë në politikë asnjë katolik tjetër ose me djallëzi ajo lejon të hyjnë sa për të thënë në vathën e politikës disa emra që janë shumë nën nivelin e saj të ulët kulturor e politik, në mënyrë që duke qenë ajo mes katolikëve, që i ka zgjedhur me deformime kulturore e dinjiteti, të ngrihet personaliteti i saj në politikë e në shoqëri. Pra të krijohet përshtypja e gabuar në popull se “Jozefina i përfaqëson katolikët!” Ajo detyroi kryeministrin të fshinte emrin katolik për ministër Kulture të mërkurën, duke shënuar të parin precedent në historinë e këtyre 18 viteve, ku qeveria nuk ka nga bota katolike një përfaqësues në qeveri. Nuk është problem se duhej një ministër me këtë prejardhje, pasi qeveria nuk është raport kulturash fetare, pasi mund të ishin dhe pesë ministra katolikë. Rëndësi ka që përzgjedhja të tregojë se edhe komuniteti katolik ka plot intelektualë që mund të drejtojnë apo bashkë-vendosin në qeverisjen e vendit.

Shqipëria ka vetëm një Jozefinë dhe pa atë katolikët duhet të vënë kujën! Madje, për mendimin tim ajo është simboli më i keq i katolikeve për mënyrën se si flet, se si sillet, se si e ka shpirtin apo për aftësitë e saj, të cilat mungojnë për atë çka përfaqëson sot në hierarkinë shtetërore. Ajo është katolikja më antikatolike në Shqipëri për dëmin që po i bën imazhit të katolicizmit. Ajo gjithashtu është femra më antifemër në politikë. Janë të njohura në politikë rastet kur ajo tjetërsohet e zymtohet, kur një tjetër femër bën karrierë në politikë, pasi në PD nuk lejon asnjë të ngjisë shkallët e selisë blu. Edhe kur u bë ministre Majlinda Bregu, kam qenë dëshmitar në një takim politik, kur Jozefina u bë zi e më zi! Fytyra i rrëzonte dashakeqësi të madhe, kur shikonte se si kryeministri Berisha i buzëqeshte ministres Bregu, e cila duhet pranuar se ka një sharm të veçantë e miklues pozitiv. Dikush mund të pyes ndër ju se, çfarë ka kjo femër e fortë që palos cilin të dojë në PD apo dhe në politikë? Realisht këtë pyetje edhe unë ia kam bërë vetes disa herë që prej natës së dërgimit të listës së kandidatëve për deputetë të PD në KQZ. Ku e ka këtë forcë kjo grua; te bukuria apo te kultura, te paraja apo te shpirti? Jam munduar brenda vetes t’i shoshit një e nga një faktet, variantet dhe spërdredhjet e saj. Kam arritur deri diku të bind veten se ajo ka problem me shpirtin, ka shpirt të keq ndaj kujtdo që i bën hije në oborrin që ajo gabimisht e quan të sajin; në politikë e në fe. Ai shpirt i keq e bëri të largonte një prej shkrimtarëve e poetëve më në zë, si dhe një prej themeluesve të PD, Preç Zogajn, nga lista e PD në Lezhë; po ai shpirt mendoj se veproi edhe për spostimin me dinakëri të Nikollë Lesit prej listës për deputetë, duke lënë jashtë parlamentit një prej zërave më të pavarur dhe po ajo Jozefinë është që, sapo ka dëgjuar apo parë se një katolik po ngjit shkallët e karrierës me këmbët e veta, i ka prerë me nxitim, ose shkallët, ose këmbët!

Kjo është Jozefina që thotë se është dhe katolike!

Nënshkruar me Don Jozefi, Gazeta TEMA

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30