Qeveri teknike apo qeveri e pakicës

nga **Agim Gashi** Sat Oct 16, 2010 8:02 pm

Qeveri teknike apo qeveri e pakicës

Vendimi i LDK-së për tërheqje të ministrave të saj nga koalicioni qeverisë ka krijuar edhe një gjendje kaotike në institucionet e Kosovës. Në rastin konkret shteti i Kosovës ka vetëm një institucion legjitim e stabil, ai i kryetarit të Kuvendit të Kosovës. Edhe presidenti edhe Kryeministri po edhe Qeveria e Kosovës tashmë janë në dorëheqje dhe juridikisht nuk kanë kompetenca ekzekutive për drejtimin e shtetit, përkatësisht qeverisë.
Prishja e koalicionit në prag të zgjedhjeve nacionale imponon nevojën e krijimit të një qeveria teknike apo qeveri të pakicës.
Por mungesa e një Ligji për Qeverinë e vështirëson edhe më shumë formimin e llojeve të tilla të qeverive. Pra në Kosovë nuk ka Ligj për Qeverinë, ndërkaq funksionimi i Qeverisë është i rregulluar me Nenin 95 të Kushtetutës së Kosovës. Por as me Kushtetutë nuk është paraparë mundësia e rënies së një qeveria, prishjes së koalicionit apo formimi i një qeverie teknike apo qeverie të pakicës. Në pikën 4. të nenin 95 të Kushtetutës së Kosovës parashihet vetëm çështja e formimit të Qeverisë përkatësisht pamundësia e formimit të një qeverie pas mbajtjes së zgjedhjeve nacionale. Në këtë pikë të këtij neni thuhet: Nëse përbërja e propozuar e Qeverisë nuk merr shumicën e votave të nevojshme, Presidenti i Republikës së Kosovës, brenda dhjetë (10) ditësh emëron kandidatin tjetër sipas së njëjtës procedurë. Nëse as herën e dytë nuk zgjidhet Qeveria, atëherë Presidenti i Kosovës i shpall zgjedhjet, të cilat duhet të mbahen jo më vonë se dyzet (40) ditë nga dita e shpalljes së tyre. 5. Nëse Kryeministri jep dorëheqjen ose për arsye të tjera, posti i tij/saj mbetet i lirë, Qeveria bie, dhe Presidenti i Republikës së Kosovës, në konsultim me partitë politike ose koalicionin që ka fituar shumicën në Kuvend, mandaton kandidatin e ri, për të formuar Qeverinë. / Bota sot

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30