Urime të subjekteve poltike shqiptare në diasporë për festën e Fitër Bajramit

Urime të subjekteve poltike shqiptare në diasporë për festën e Fitër Bajramit



LDK Gjermani: Paqja dhe lumturia të mbizotërojë në zemrat tona
Kryesia e Degës së LDK-së në Gjermani, të gjithë shqiptarëve të besimit islam kudo që jetojnë në trojet e tyre etnike e në mërgim ua uron festën së Fitër Bajramit. Dëshirojmë që paqja dhe lumturia të mbizotërojë në zemrat tona, t´u ndihmojmë të varfërve, t´i gëzojmë në këtë ditë feste edhe fëmijët e atyre familjeve me gjendje të rëndë ekonomike.
Me këtë rast urojmë edhe myftiun e Kosovës, Naim Tërnavën dhe edhe njëherë duam të shprehim nderimin tonë më të thellë për klerin e besimit islam të Kosovës dhe kombin shqiptar, që bart dhe përcjell për mbarë njerëzimin dhe botën e qytetëruar një mesazh të madh, mesazhin e tolerancës së shkëlqyer fetare, e respektin e palëkundur të fesë dhe besimit tek njëri-tjetri. Shpresojmë se edhe kjo festë do të sjellë për besimtarët islamë, sikurse për gjithë kombin shqiptar, mirëkuptim, tolerancë, lumturi familjare dhe begati shpirtërore e kombëtare
Kryesia e Degës së LDK-së në Gjermani
Hazir Krasniqi, kryetar

--------------------------------------

LDK Beneluks: Festë e solidaritetit dhe mirëkuptimit në mes të njerzëve

Kryesia e Degës së LDK-së për Beneluks (Belgjikë, Holandë dhe Luksemburg), në emër të anëtarëve dhe simpatizantëve në këto shtete, ua uron festën e Bajramit të Madh të gjithë besimtarëve shqiptarë në Kosovë, Shqipëri, Maqedoni, Kosovën Lindore, Mal të Zi, Çamëri dhe kudo që jetojnë në diasporën shqiptare. Bajrami i Madh (Fitër Bajrami) është një festë tradicionale pas agjërimit të muajit të shenjtë të Ramazanit, është një festë e solidaritetit dhe mirëkuptimit në mes të njerzëve, festë e shpërndarjes së ndihmave (fitërave) për familjet e varfëra si dhe për bonjakët. E falenderojmë Zotin e Madh dhe urojmë që për çdo vit secili Bajram të jetë më i begatshëm në sofrat e të gjitha familjeve shqiptare kudo në botë.
Gëzuar Bajrami i Madh! Zoti i bekoftë të gjithë shqiptarët!
Kryesia e Degës së LDK-së në Beneluks
Gani Azemi, kryetar
--------------------------------------
LDD Gjermani: Për shumë vjet gëzuar Fitër Bajramin
Me rastin e Fitër Bajramit kryesia e Degës së LDD-së në Gjermani të gjithë shqiptarëve të besimit islam ua uron Fitër Bajramin, këtë festë të madhe, me dëshirat më të mira që të kalojnë çaste të gëzimit, begatisë dhe haresë familjare. Për shumë vjet gëzuar Fitër Bajramin.
Kryesia e Degäs sä LDD-sä nä Gjermani
Hafiz Gagica, kryetar