Urime të subjekteve politike shqiptare në diasporë

Urime të subjekteve politike shqiptare në diasporë



LDK Gjermani: Paqja dhe lumturia të mbizotërojë në zemrat tona
Kryesia e Degës së LDK-së në Gjermani, të gjithë shqiptarëve të besimit islamë kudo që jetojnë në trojet e tyre etnike e në mërgim ua uron festën së Kurban Bajramit si dhe të gjithë shqiptarëve anëkënd globit ua uron 28 Nëntorin- Ditën e pavarësisë së Shqipërisë. Dëshirojmë që paqja dhe lumturia të mbizotërojë në zemrat tona, t´u ndihmojmë të varfërve, t´i gëzojmë në këtë ditë feste edhe fëmijët e atyre familjeve me gjendje të rëndë ekonomike. Me këtë rast urojmë edhe myftiun e Kosovës, Naim Tërnavën dhe edhe njëherë duam të shprehim nderimin tonë më të thellë për klerin e besimit islam të Kosovës dhe kombin shqiptar, që bart dhe përcjell për mbarë njerëzimin dhe botën e qytetëruar një mesazh të madh, mesazhin e tolerancës së shkëlqyer fetare, e respektin e palëkundur të fesë dhe besimit tek njëri-tjetri. Shpresojmë se edhe kjo festë do të sjellë për besimtarët islamë, sikurse për gjithë kombin shqiptar, mirëkuptim, tolerancë, lumturi familjare dhe begati shpirtërore e kombëtare
Hazir Krasniqi, kryetar i Degës së LDK-së në Gjermani
------------------------------------------
LDD Gjermani: Festë e cila përmban ndjenjën e sakrificës së njeriut ndaj krijuesit të tij
Me rastin e festës së Kurban Bajramit, kryesia e Degës së LDD-së në Gjermani dhe gjithë anëtarësia e saj, iu uron festën e Kurban Bajramit kryetarit të Bashkësisë Islame të Kosovës Naim Tërnava si dhe gjithë shqiptarëve të besimit islam në Kosovë, diasporë dhe kudo që gjenden, me dëshirat më të mira që kjo festë e bekuar të sjellë në familjet e tyre gëzime, hare, shëndet dhe gjithë të mirat në jetë.
Kjo festë e madhe fetare e cila në vete përmban ndjenjën e sakrificës së njeriut ndaj krijuesit të tij, është po ashtu një rast i mirë që na përkujton të mos i harrojmë kurrë vuajtjet dhe sakrificat e popullit shqiptar të Kosovës në luftën e tij të gjatë për liri dhe pavarësi. Që t'i përkujtojmë dhe nderojmë përherë gjithë dëshmorët tanë të cilët u sakrifikuan dhe dhanë jetën e tyre për atdhe. Gëzuar dhe me fat Kurban Bajramin!

Hafiz Gagica, kryetar i Degës së LDD-së në Gjermani