Agim Gashi-LAMTUMIRE

nga **Agim Gashi** Fri Nov 21, 2008 4:48 am

Agim Gashi: Lamtumire!

Agim Gashi

Nga Agim Gashi

Më 24 maj 1992, Kosova për herën e parë në historinë e saj organizoi zgjedhje presidenciale. Me këtë rast President i parë i Republikës së Kosovës u zgjodh Dr. Ibrahim Rugova. Ajo ditë e këtyre zgjedhjeve historike u shpall si Dita e Presidentit. Në shenjë kujtimi për Presidentin e parë dhe të përjetshëm të Kosovës dhe Ditës së Presidentit, nergut përmes www.zemrashqiptare.net ia dhuroj këto vargje Presidentit tonë dhe adhuruesve të Tij.

Lamtumire!

U hap lajmi si rrufe
N´tanë arbninë n´tbukrin atdhe,
U trondit Sharri e Korabi
Vlora, Shkodra e Gostivari,
N´zi Prishtina e n´zi Tirana
Edhe Shkupin e mbuloi gjama!

Re të zeza e mbuluen qiellin
S´donë me ndi ma as për diellin,
Ja kanë leshu radhën pikllimit
Me la me lot veprën e Trimit.

Ndalet puna e ndalet kanga
Me lot nuset e me vaj nanat,
Qan puntori e fshatari ,
Qan malsori e qytetari;
N´vaj e ngjamë fusha e vrrija
Ditë ma t´zezë ska pas Arbnija,
Ditë ma t´zezë nuk pat Kosova
Ndërroi jetë Ibrahim Rugova.

Agim Gashi - Nje perkulje ne shenje nderimi
Shqiptaria sot qanë me mall
Në kujtim t´ktij burri t´rrallë,
Edhe dielli rrin kokë ulun
Kur qan nji popull i përkulun.

Dardania ep kushtrim
Me mallë fushat bjeshkët n´gjëmim,
Qahen bjeshkët e Rugovës
Për Presidentin e Kosovës.

Ngryset qielli, ftofet moti,
Ndalet gzimi e derdhet loti!
Moj sharki mbushun me mallë
Ma shëndrrove kangën n´vaj,
Lot e varg i derdhi n´letër
Se lindë nana si ky tjetër!

Mbarë nji popull ngrihet n´kambë
Ta nderon trimin e rrallë,
Me rrespekt me i ba nderimin
Si na ka hije t´ia bajmë varrimin.

E tanë bota e popujt mbarë
Për Kosovë rrugën kanë marrë,
Me përfaqsuesit që i dërgojnë
Për t´fundit herë ta nderojnë.

Kur e pamë sa me përkulje
Për nderim bota mbarë,
Le t´mendohemi e t´krenohemi
Per këtë burrë t´kombit shqiptarë!

II

Të vendosën në Hol t´Kuvendit
Me roje nderi e lule plot,
Vinin pleq, nuse e plaka
Që të derdhnin për ty lot.

Miliona njerz po të përkulen
Me homazhe e nderim,
O i Madhi mentor i yni
O i Madhi Trim!

Ti e dashte dheun tand
Që të lindi e të mori,
T´nderoj bota me dekorata
E sa herë tituj doktori.

Vinë ngadalë të përlotun
Burra, gra, pleq e fëmi,
T´falenderojnë dhe të përkulen
Që ua prune ti lirinë.

Vinë policët dhe ushtarët
Me gaditu të nderojnë,
Mantelbardhët dhe artistët…
Lotët s´ndalen veq pikojnë.

Shkove ti te Nanë Tereza
Që ka hy në histori,
Se ti ishe biri i saj
Nuk ka kush që t´harron Ty.

Mblidhen burrat e mabrë dheut
Nderojnë nipin e Skënderbeut,
Nderojnë lulen e Lirisë
Që ja ktheu namin Dardanisë.

Vinë me radhë tuj pritë me orë
Në acarin plot me bore,
Me plot zemrat të bajnë nder
Dhe të shofin për t´fundit here.

Rrjedh njerzia sikur lum
Për shumë ditë e për shumë vjet,
Se Kosvën ti na e bane
Parajsë tonen në këtë jetë.

III

Dhe vjen dita e varrimit
Në atë kodër n´Velani,
Ku gjithë fryn puhizë dardane
E ta flladitë shpirtin Ty.

Janë rreshtu burra shtetesh
Qindra mijëra shqipëtarë,
N´lamtumirën për t´fundit here
Të ktij burrit gjithëkombëtar.

E shoqja Fana t´qëndron afër
Djemt e vajza t´rrinë përbri,
Krenaria ska të sosun
Që i rrite e t´patën Ty.

Tanë Kosova n´ty krenohej
Krenarinë në qiell e kishim,
Para shkoje drejt pavarsisë
E ne mbrapa teje ishim.

Të përkulemi me gjithë zemër
Se e dinim që nuk gabon,
Vepra jote madhështore
Para shqipën do ta qon.

Lamtumirë o bir Dardani
Lamtumirë e flej n´qetësi,
Lapidari Yt ndër shekuj
Do të jetë roje n´liri!

Agim Gashi – Janar-Shkurt 2006, Düren

Gjithmone ne zemra do te te mbajme

Te varri i Presidentit

www.zemrashqiptare.net

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30