Përzgjidhet lista prej 6 anëtarëve të bordit të RTK-së

Përzgjidhet lista prej 6 anëtarëve të bordit të RTK-së




Komisioni ad hoc për përzgjedhjen e anëtarëve të bordit të RTK-së, ka përzgjedhur një listë prej 6 anëtarësh nga 9 sa duhet ti ketë bordi i ri i RTK-së.

Komisioni është dashur që nga një listë prej 18 emrash të përzgjedh 9 anëtarë por kjo nuk ndodhi pasi përvec 6 anëtarëve të përzgjedhur të tjerët nuk morrën mbi 50 përqind të votave të anëtarëve të Komsionit ad hoc të Kuvendit të Kosovës.
Gjashtë anëtarët e përzgjedhur janë: Rrahman Paçarizi ,Ali Podrimja, Aleksander Janiçeviç, Lindita Tahiri, Naime Beqiraj dhe Arif Bozaxhi.
Kryesuesi i komisionit ad hoc, Hajredin Kuqi, tha se tani i takon Kuvendit të vendos se si do të veprohet për përzgjedhjen e 3 anëtarëve të tjerë për bordin e RTK-së. Mirëpo sipas tij është me rëndësi që lista me 6 anëtarë të votohet menjeherë në seancën e radhës së Kuvendit, gjë që do të mundësonte funksionimin e bordit të ri të RTK-së, pasi që lista 6 anëtarëshe përben 2/3 e nevojshme për funksionim të bordit.