Zgjedhjet në Kosovë: Thaçi mirëpret vëzhguesit evropianë

Zgjedhjet në Kosovë: Thaçi mirëpret vëzhguesit evropianë

Bota sot
Kryeministri Thaçi:Ne jemi të përkushtuar fuqishëm të kemi zgjedhje, të lira, fer dhe demokratike, me një pjesëmarrje edhe më të madhe, me një pranueshmëri dhe vlerësim edhe prej qytetarëve të Kosovës dhe prej gjithë komunitetit ndërkombëtar.



Nga takimi Thaçi-Davidi
Misioni vëzhgues evropian do të përbëhet nga 3 persona, ndërsa që më vonë do ketë edhe disa anëtarë të Parlamentit Evropian dhe të trupit diplomatik.


Një ditë pas konfirmimit se do të dërgohet një mision ekspertësh për të vëzhguar zgjedhjet lokale të 15 nëntorit në Kosovë, shefi i Zyrës Ndërlidhëse të Komisionit Evropian në Prishtinë, Renzo Daviddi sqaroi se grupi i monitoruesve evropian do të vij në Kosovë gjatë javës së fundit elektorale dhe se ata do të bëjnë një monitorim të zgjedhjeve më shumë në natyrën analitike. Këto sqarime lidhur me monitorimin evropian Daviddi i bëri të enjten gjatë një takimi me kryeministrin Hashim Thaçi, e ku ishte paraparë të prezantonte edhe kryetarja e Komisionit Qendror të Zgjedhjeve, Nesrin Lushta. Komisioni Evropian ka pranuar kërkesën e Qeverisë së Kosovës që të dërgojë një mision të saj për monitorimin e zgjedhjeve vendore më 15 nëntor. Renzo Davidi shef i zyrës së Komisionit Evropian në Kosovë ia konfirmoi këtë sot kryeministrit Hashim Thaçi. Pas takimi Davidi tha se pas pranimit të kërkesës nga Qeveria ne kemi marrë vendim që të sjellim një mision i cili do të monitorojë tërë procesin zgjedhor.
“Ne jemi të gatshëm tani të sjellim misionin i cili do të raportojë dhe vlerësojë mënyrën se si do të zhvillohet procesi zgjedhor, në raundin e parë dhe eventualisht në raundi e dytë. Ata do të punojnë më shumë në analizat se si po shkon procesi zgjedhor, punën e institucioneve dhe rezultatin zgjedhor” tha Davidi. Davidi tha se misioni nuk do të ketë të drejtë të certifikojë zgjedhjet sepse ka vetëm karakter teknik. Kryeministri Thaçi tha se ndihet i lumtur që Brukseli do të dërgojë mision për vëzhgimin e zgjedhjeve në Kosovë. Sipas Thaçit Qeveria është e vendosur që zgjedhjet e para në Kosovën e pavarur të jenë sa më mirë të organizuara. Jam shumë i lumtur që sot, veç është konfirmuar, me kërkesën tonë që Brukseli, Komisioni Evropian, do të dërgojë një trupë raportuese dhe vlerësuese edhe për organizimin e zgjedhjeve të 15 nëntorit, ka thënë kryeministri Hashim Thaçi pas takimit me shefin e Zyrës Ndërlidhëse të Komisionit Evropian, Renzo Daviddi. “Ne jemi të përkushtuar fuqishëm të kemi zgjedhje, të lira, fer dhe demokratike, me një pjesëmarrje edhe më të madhe, me një pranueshmëri dhe vlerësim edhe prej qytetarëve të Kosovës dhe prej gjithë komunitetit ndërkombëtar, si një standard shumë i lartë demokratik për ndërtimin e demokracisë së re, institucioneve të reja lokale, legjitime dhe funksionale”, ka thënë me këtë rast Thaçi.
“Do të kemi natyrisht edhe prezencë të parlamentarëve evropianë, vëzhgues në kuptimin e mirëfilltë diplomatik, grupe të tjera mbështetëse vendore edhe ndërkombëtare. Pra, do të kemi një angazhim të përbashkët, që të përmbyllim edhe këtë proces të rëndësishëm të zgjedhjeve të para të lira në Kosovën e pavarur”, ka shtuar ai.
Thaçi ka falënderuar Renzo Daviddin për mbështetjen dhe mirëkuptimin që kanë treguar në Bruksel për kërkesën e Qeverisë së Republikës së Kosovës. Kryeministri Thaçi tha se ndihet i lumtur që Brukseli do të dërgojë mision për vëzhgimin e zgjedhjeve në Kosovë. Sipas Thaçit Qeveria është e vendosur që zgjedhjet e para në Kosovën e pavarur të jenë sa më mirë të organizuara. Misioni vëzhgues evropian do të përbëhet nga 3 persona, ndërsa që më vonë do ketë edhe disa anëtarë të Parlamentit Evropian dhe të trupit diplomatik.