Një kompani që është shembull i suksesit

Një kompani që është shembull i suksesit

Presidenti Fatmir Sejdiu përuroi objektin e kompanisë Elkos Grup




Presidenti Sejdiu mirëpritet nga drejtori i ELKOS Group Ramis Kelmendi
Kosova ka një tokë të jashtëzakonshme, siç është Rrafshi i Kosovës, Rrafshi i Dukagjinit, Anamorava ku mund të kultivohen produktet më cilësi me të mira, duke zvogluar importin e panevojshëm

Pejë, Presidenti Kosovës z. Fatmir Sejdiu me bashkëpunëtorët e tij sot vizitoi qytetin e Pejës. Ai nën praninë e shumë qytetarëve bëri përurimin solemn të objektit të kompanisë Elkos Grup. Presidentit Sejdiu mirëseardhje i dëshiroi kryetari i kësaj kompanie z. Ramiz Kelmendi. Duke shpalosur të arriturat e kompanisë Elkos Grup , ai tha se është mburrje dhe krenari të punohet, ku përballë ke vlerat vizionare udhëheqëse nga i ndjeri president, Ibrahim Rugova dhe sakrificat e e familjeve Jashari dhe Haradinaj si dhe të heronjve dhe dëshmorëve të kombit. Elkos Grup, tha në vazhdim Ramiz Kelmendi duke vepruar tash e 20 vjet , ka të punësuar 1200 punëtorë kurse deri në fund të këtij viti do të këtë edhe 200 punëtor të tjerë. Elkos Grup merr pjesë në buxhetin e konsiliduar të Kosovës me mbi 1.5 përqind, dhe ka një sipërfaqe pune të mbi 150 mijë metra katrore në gjithë territorin e Kosovës. Punëtorët e vyer të Elkos Grup sivjet po realizojnë 160 milion euro qarkullim. Ky qarkullim shtoi z.Kelmendi Kosovë –Shqipëri do të rritet dhe në vitin 2015 do të jetë mbi 1 miliardë euro qarkullim dhe ngritje të eksportit mbi 200 milion euro.
Presidenti Sejdiu në ndërmarrjen Eloks

Duke marrë fjalën presidenti i Kosovës, z.Fatmir Sejdiu tha se politika e vërtetë e një vendi është kur ajo gjen zbatimin praktik, me projekte të rëndësishme, të cilat janë pjesë të refleksionit më të hovshëm të vendit. Këta punëtorë të cilët i ka punësuar kompania juaj u shpreh presidenti Sejdiu në vazhdim kanë siguruar mirëqenien për këto familje. Lumturia e një vendi është kur qytetarët kanë rahatim shpirtëror, kur kanë të siguruar ekzistencën. Ne Kosovë ka aktive biznese diku rreth 40 mijë. Ju z. Kelmendi keni bërë përparime shumë të madh në këtë numër që i keni punësuar në kompaninë tuaj. Ju keni një kompani të suksesshme e cila përditë e ka rritën e vet, duke qenë një partner i rëndësishëm me qytetarët dhe institucionet e Kosovës. Ju keni gjetur rrugën e mirë të plasmanit, ku është shumë e rëndësishme qasja me perspektivë në tregun e Evropës Juglindore, si pjesë e tregut të përbashkët evropianë. Ajo qe ju keni arritur për të depërtuar në tregun e Shqipërisë, është një bazë e mirë,e ecjeve të mëtejshme edhe në vendet e tjera të rajonit. Puna e juaj tha Sejdiu duhet të jetë edhe një grishje edhe për bizneset e tjera për të depërtuar dhe për shkuar me tutje. Kosova është vend i pasur edhe në kuptimin që na ka dhënë Zoti, kemi resurse më të mira me pasuri minerale e shumë të tjera. Këto begati duhet t’i shfrytëzojmë , për këtë kemi edhe dije dhe potenciale njërëzore. Kemi një rini të shëndosh, ku sipas statistikave rreth 52 përqind të këtyre të rinjeve janë nën moshën 27 vjeçare. Këtyre të rinjve duhet tu japim punë, për të qenë ata pjesë e rritës , zhvillimit dhe të perspektivës së vendit tonë. Kosova ka një tokë të jashtëzakonshme, siç është Rrafshi i Kosovës, Rrafshi i Dukagjinit, Anamorava ku mund të kultivohen produktet më cilësi me të mira, duke zvogluar importin e panevojshëm. Ne, mund të bëjmë punë shumë të mëdha, dhe një shembull të mirë ju kemi ju z.Kelmendi, dhe paralelisht me këtë edhe institucionet tona do të krijojnë infrastrukturën e nevojshme ligjore, për të levizur pa pengesa. Për nder të presidentit Sejdiu kompania Elkos Grup në lokalet e hotel “Dukagjini” shtroi edhe një drekë. Paraprakisht presidenti Fatmir Sejdiu në KK të Pejës, është takuar më kryetarin e komunës , z. Ali Berisha.S.Mulliqi
Presidenti Sejdiu gjatë vizitës në Komunën e Pejës