Sejdiu e Thaçi urojnë Obamën

Sejdiu e Thaçi urojnë Obamën





Nga Express

Drejtuesit kryesorë të institucioneve të Kosovës kanë uruar presidentin e Shteteve të Bashkuara të Amerikës, Barack Obama me rastin e laurimit të tij me çmimin Nobel për paqe për këtë vit.

"Dua ta shfrytëzoj këtë rast që, në emër të popullit dhe institucioneve të Republikës së Kosovës, ta përgëzoj Shkëlqesinë Tuaj për marrjen e çmimit prestigjioz të Nobelit për paqe. Ky çmim është dëshmi e suksesit tuaj si lider i një vendi të lirë që synon krijimin e një bote më të sigurt dhe më paqësore”, thuhet në telegramin e urimit të presidentit të Kosovës, Fatmir Sejdiu.

Presidenti i SHBA’së është përgëzuar edhe nga kryeministri Hashim Thaçi:

“Kam nderin dhe kënaqësinë që në emër të Qeverisë së Republikës së Kosovës dhe në emrin tim t’ju përgëzoj për marrjen e çmimit Nobel për paqe. Të gjithë jemi dëshmitarë që Shtetet e Bashkuara të Amerikës, nën presidencën Tuaj po thellojnë esencialisht përpjekjet për forcimin e demokracisë, paqes, stabilitetit dhe bashkëpunimit mes popujve në gjithë globin”, thuhet ndër tjera në telegramin e urimit të kryeministrit të Kosovës për presidentin e SHBA’së.