Prishtinë:U vendos flamuri shtetëror i Kosovës

Prishtinë:U vendos flamuri shtetëror i Kosovës

Flamuri është i gjatë 10 metra dhe do të ketë qëndrim të përhershëm.



Flamuri i Republikës së Kosovës

Nën organizimin e Komunës së Prishtinës, në hyrje të qytetit, në afërsi të shkollës së mesme të mjekësisë "Ali Sokoli" u bë ngritja e flamurit shtetëror të Kosovës. Flamuri është i gjatë 10 metra dhe do të ketë qëndrim të përhershëm.Në këtë ceremoni të pranishëm ishin presidenti Fatmir Sejdiu, kryeministri i Republikës së Kosovës, Hashim Thaçi dhe kryetari i Prishtinës Isa Mustafa.Flamuri është i gjatë 10 metra dhe do të ketë qëndrim të përhershëm. Presidenti Fatmir Sejdiu, Kryeministri Hashim Thaçi dhe Kryetari i Prishtinës Isa Mustafa bënë ngritjen simbolike të flamurit të shtetit të Kosovës në sheshin “Idriz Seferi”, në hyrje të Prishtinës. Me rastin e vendosjes së flamurit shtetëror në këtë shesh, Presidenti Sejdiu shprehu angazhimin e plotë institucional për intensifikimin e mëtejshëm të këtyre projekteve, edhe simbolike, duke vënë në pah se ato paraqesin identitetin e vendit. “Është një moment i një simbolike të mirë për Kosovën që të valojë edhe flamuri në këto dimensione në kryeqytet dhe është mirë që të vazhdohet me projekte të tilla edhe të simbolikës të cilat e shprehin identitetin e vendit”, theksoi Presidenti. Ndërkaq, kryetari i Prishtinës, dr. Isa Mustafa theksoi se ky flamur do të jetë simbol i Republikës dhe i shtetësisë së Kosovës.Kryetari Mustafa bëri të ditur se ndërmarrja “Marigona” ka dhënë iniciativën dhe e ka përkrahur materialisht vënien e shtyllës e cila është e gjatë tridhjetë metra, ndërsa flamuri i vendosur ka dimension dhjetë metra, i cili do të jetë simbol i Republikës së Kosovës dhe simbol i shtetësisë sonë.