Isidor Koti: Duke pritur shtetin social

nga **Agim Gashi** Tue Oct 20, 2009 10:32 pm

Duke pritur shtetin social

Nga Isidor Koti

Nuk eshte rastesi qe ne keto 20 vite, vendi yne ka perjetuar dinamiken e zhvillimeve te vrullshme politike dhe prapambetjes se shume faktoreve sociale. Parcelizimi i rendomte ne nje spekter ngjyrash, i ka ndare qytetaret e thjesht njerez me kemisha roze dhe blu. Arsimtaret, punetoret, punonjesit publike dhe sindikatat qe i tubojne, nxenesit, studentet dhe konsumatoret e thjeshte, tregtaret e vegjel, bujqit dhe argatet e pazareve te punes, kane mbetur ne nje qark te mbyllur brenda "burgut te harruar" te marramendjes politike, duke u konsideruar njerez te vegjel. Me ata eshte manipuluar aq shume!... vetem sepse perbejne shumicen derrmuese qe kane nevoje per shtetin, per funksionimin e tij, per ligjin dhe sundimin e drejtesise. Le te marrim ne konsiderate nje shembull mbushamendes, kur ne nje bisede mediatike me nje qytetar, vura re plot zemerate se aq shume ishte dogmatizuar politikisht ai, saqe pranonte te vuante edhe me shume ne mjerimin e vet ekonomik, ne menyre qe politika ta conte vendin perpara. Nje "nosit' i tipit alergjik per shoqerine tone, e cila eshte nderfutur keqaz ne skemat e shtetit politik me shume sesa atij social.

Kur degjon emisionet ose bisedat e perditshme kupton se dimensioni social eshte kthyer ne nje mjet abuzimi, gati trajtim ne renie gracke, duke dale nga logjika e funksionimit normal te gjerave. A thua se shteti social eshte nje prodhim tashme eksperimental i sistemit? Kurrsesi. Shteti social eshte fryt i demokracise, duke iu dhene te drejten edhe me te dobeteve te degjohen ne ekzigjencat e tyre. Politika eshte treguar e zonja ne protestat e saj, por populli eshte i pafuqishem per t'u ngritur ne protestat e veta mese te drejta per ceshtjen e pensioneve, pagave, papunesise, cmimit te banesave, te energjise, mohimit te prones, e shume e shume probleme te panumerta. Protestat i duhen pikerisht ketyre shtresave dhe segmenteve te shoqerise, atyre klasave qe kane nevoje per shtetin si mburoje qe i sherben atyre per nevojat elementare te zhvillimit te nje jete normale.

Shteti yne eshte te larg te qenit social edhe ne mjete te tjera qe e karakterizojne ate. Ne keto 20 vite, qytetaret kane paguar driten dhe nuk kane pasur rregullisht, kane shkuar ne spital dhe jane zhvatur, ose qofte edhe me shpirtin e iniciatives te hapesh nje biznes dhe te kerkojne ryshfete neper zyra. Shkalla e larte e informalitetit ka bere qe shume shqiptare te jene te pasiguruar ne vendin e tyre te punes, te largohen qofte edhe per arsye banale nga puna, pa u mbrojtur nga nje shtet qe ka marre ne mirebesim voten e tyre. Eshte per te ardhur keq kur shtetin e mistifikojne me keqdashje, duke e kthyer ne simbol para te cilit duhet vetem te perulesh e ta degjosh si i paralizuar. Ende nuk eshte kuptuar qe shteti jane vete qytetaret, shteti jam une, jane pensionistet, punetoret e thjesht, te papunet qe kerkojne drejtesi dhe rend social.

Ne fakt, demet ekonomike u kane shkaktuar shqiptareve zinxhirin e rende te demeve social-psikologjike, duke mos lejuar te perceptohen me realizem, ne njohjen e te drejtave dhe detyrimeve. E megjithate as per kete nuk mund te fajesosh qytetaret qe nuk jane te garantuar ne lirine dhe barazine para ligjit, ne te drejten e mundesive per tu promovuar dhe per tu mbrojtur ne kete iniciative. Ne vend qe shteti te "nenshtrohet" para shoqerise, kjo e fundit eshte shfrytezuar prej tij, duke u betonuar keqaz brenda refrenit jeto me buke, kenaqu me nje kafe dhe nje bilete urbani. Vetem me kaq jeto, pa pyetur me cfare do paguhen taksat, ilacet e hallet e shumta. Me shtetin social ne keto 20 vite eshte luajtur domino, duke mos i konsideruar aspak ceshtje delikate ne nje ekonomi tregu te brishte pa nderhyre per te mbajtur te vogla diferencat ndermjet grupeve ne nevoje dhe te kamurve. Antitezat jane shume te fuqishme, te paperballueshme, polare.

Cfare i duhet ketij shteti? Nje levizje e madhe qytetare e perbere nga ngjyrime te te gjitha shtresave te neperkembura sociale, nga njerez qe duan drejtesi e zbatim ligji, funksionim korrekt te mekanizmave administrative, sinqeritet per te bere pa korrupsion pune te medha. Vetem nje levizje e vertete sociale mund te sjelle ndryshimin e shumepritur.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30