PD: Edi deformues edhe i raportit te 'Reporterëve pa kufi'

PD: Edi deformues edhe i raportit te 'Reporterëve pa kufi'



Partia Demokratike e cilësoi sot raportin e “Reporterëve pa kufi” të keq interpretuar deformuar prej të njëjtëve individë e klane që çdo dite raportojne të pavertetën mbi situatën në Shqipëri. “Janë të njëjtat klane e të njëjtët individë që cdo ditë përpiqen të ngjallin katastrofizëm e panik në mediat që sundojnë, duke abuzuar me kohën, emocionet, intelektin dhe paratë e shqiptarëve. Duke pasqyruar të pavertetën, madje të kundertën e së vërtetës, për qëllime e parime krejtësisht të kundërta me ato mbi të cilat duhet të mbështesë misionin e saj një media e lirë, në një vend të lirë, informimin e paanshëm të opinionit publik” thuhet në deklaratë. Po sipas Partisë Demokrtatike Raporti përcjell një mesazh të qartë për të gjithë editorialistët, botuesit dhe pronarët e medias në Shqipëri për shkak se njihet tashmë mirë, dhe ne e kemi denoncuar vazhdimisht, shantazhin ose ankandin e ashtuquajtur leje ndërtimi = kohë televizive, ku Kryetari i PS Edi Rama është ideatori dhe ndërtuesi i këtij tregu të turpshëm. “Me moton “Të jap leje ndertimi, më jep kohë televizive ose faqet e gazetës”, Edi Rama vazhdon të ushtrojë presionin e tij korruptiv ndaj mediave, duke shtypur lirine e fjalës dhe duke ndërhyrë deri në përcaktimin e politikave editorialiste në disa media ç’ka asgjeson çdo lloj standarti etik, profesional e njerezor. Është e vërtetë që raporti i publikuar i “Reporterë pa kufinj” lëshon një sinjal alarmi, por jo për lirinë e medias në Shqipëri! Raporti eshte nje sinjal alarmi për përgjegjshmërinë, integritetin, profesionalizmin dhe raportin e medias me te verteten ne Shqiperi. Nga ana tjetër PD, si partia e pare qe rivendosi ne Shqiperi te drejten e fjales dhe te drejten e shprehjes, dhe kjo mazhorancë rikonfirmojnë vendosmërinë e palëkundur dhe angazhimin e saj në mbështetjen dhe mbrojtjen e lirisë dhe të drejtave të mediave në Shqipëri, të lirisë së të shprehurit si dy nga shtyllat bazë të demokracisë në vënd” përfundon deklarata.