A e dini se...,merret brisku i thonjëve, por lejohen armët ... ?!!!‏

A e dini se...,merret brisku i thonjëve, por lejohen armët ... ?!!!‏

Announcement: Nga SHBA-ja me dy pushkë në aeroplan
Posted: WebMaster @ Thu Oct 29, 2009 2:48 pm

Armët besohet të kenë hipur në aeroplan në një aeroport të SHBA-së, përderisa ishin duke u bartur nga një shtetas i Kosovës, i cili ka shtetësi amerikane
Dy pushkë të gjuetisë si dhe një sasi e municionit janë konfiskuar në Aeroportin e Prishtinës. Armët janë bartur me aeroplan, përderisa personi i dyshimtë ka tentuar që ato t’i kalonte pa i deklaruar në doganë dhe në polici. Armët besohet të kenë hipur në aeroplan në një aeroport të SHBA-së, përderisa ishin duke u bartur nga një shtetas i Kosovës, i cili ka shtetësi amerikane. I njëjti i ka thënë policisë se armët nuk ishte duke u kontrabanduar, por ishte duke i bartur për rekreacion. Mirëpo, fakti se personi nuk i kishte deklaruar armët ka bërë që policia të nisë një hetim për këtë rast, nën dyshimin se ka të bëjë me një kontrabandim me armë.
Rasti fillimisht është iniciuar nga Doganat e Kosovës për t’i kaluar më pas Njësive të policisë kufitare të PK-së. Në një komunikatë për shtyp doganat kanë njoftuar se më datë 27 tetor 2009 në degën doganore në Aeroport oficerët doganorë kanë zbuluar dy pushkë gjuetie, municion si dhe pajisje speciale për bartje të armëve. Sipas kësaj komunikate gjatë kryerjes së kontrollit të udhëtareve që sapo kishin arritur në Kosovë, me hyrje në kanalin e gjelbër, udhëtari në fjalë dëshmon që nuk kishte asgjë për të deklaruar për doganë, mirëpo pas një kontrolli rutinor oficerët doganorë kanë zbuluar dy pushkë gjuetie gjysmë-automatike, tipi ‘REMINGTON’, si dhe pushka tjetër e gjuetisë mekanike, tipi ‘REMINGTON’, thuhet në komunikatë. E njëjta shton se gjatë kontrollit dogana ka zbuluar edhe dy sy optikë të tipit ‘SIMMONS’ dhe tipit ‘TASCO’, të cilat përdoren për shënjimin e saktësisë së gjuajtjes së armës.
Gjithashtu sipas doganës në këtë bastisje janë gjetur edhe një pako speciale për bartjen e armëve, municion të kalibrit 7.62 mm, 192 copë, një karikator dhe katër rrethatore për bartjen municionit. Burime brenda policisë i kanë thënë gazetës se personi përgjegjës për këtë rast është shtetas i SHBA-së dhe njëherësh edhe shtetas i Kosovës.
Ai fillimisht është arrestuar në Aeroportin e Prishtinës për t’u lënë më pas i lirë me një urdhër të prokurorit. Gazeta ka mësuar se të dyshimtit i është konfiskuar pasaporta amerikane, si masë për sigurimin e prezencës së tij deri në fund të hetimeve, të cilat tani e tutje është duke i zhvilluar prokuroria.
K. GASHI

Dërgoi:Qamil Zekolli