Eduard M. Dilo: Kolë Tromara dhe Bahri Omari, dy figurave të mëdha patriotike

nga **Agim Gashi** Sun Nov 15, 2009 1:29 am

NE KUJTIM TE DY FIGURAVE TE MEDHA PATRIOTIKE KOLE TROMARA DHE BAHRI OMARI

Nga Eduard M. Dilo

"Me sa njolloset xhevairi, aq njollose nje patriot..." Dr. Jani Dilo

Ne faqet aq te lexueshme te gazetave elektronike po shifen per dite artikuj dhe dokumenta me vlere per historine e kombit tone. Fatkeqesisht , ne kohen e diktatures nga me te egertat dhe me gjakataret qe kaloi vendi yne, u denuan ne menyre barbare njerzit e ditur, figurat madhore te kombit .

U mohua thuaj krejt historia e vertete dhe vlerat e medha qe na bene te njohur e te respektuar si komb, u hodh balte mbi brilantet, mbi margaritaret qe aq shume punuan e sakrifikuan per atdhe.

A nuk u masakrua barbarisht Fishta , Ilia Dilo Sheperi, etj.-te dy ketyre koloseve te shqiptarizmes, u nxoren eshtrat e ua hodhen ku munden?

A nuk e denuan barbarisht krejt klerin katolik, a nuk u percmuan dhe u kalben burgjeve dhe internimeve intelektuale te tille si Musine Kokalari,

a nuk u shemtuan dokumenta historike si psh. ai i shpalljes se Pamvarsise , ku u fshine firmat e Lef Nosit, Mustafa Krujes e Mit’hat Frasherit ?

Sa bukur e me sa shpirt e pasion kendohej kenga patriotike nga grupi “Lira “ i Korces : “…..sa te rroje gjithesia….”, e autori i ketij hymni -do ta quaja- , te mbahej anonim , se ishte emri i patriotit te madh qe punoi aq per Shqiperi , Kole Tromara, qe u denua si dhe Bahri Omari e shume patriote te vertete shqiptare , vetem se qene te tille!

Dr . Jani Dilo, ka shkruar shume ne emigrimin e detyruar politik ku ndodhej, per keto figura te medha shqiptare, qe nuk i trembi vdekja , shkuan drejt saj te qete se bene sa munden per atdhe, ndaj fjalet e tyre te fundit ushtuan fort , e dridheruan gjakataret : “TE RROJE SHQIPERIA”!

Nje shkrim brilant (do te ma quante , njeriu i mire , trimi Kolonjar SEFER MUJO LUARASI, kur ma dhuroi), shkrimin e meposhtem ,

-duke me porositur qe ta publikoj , se i kam ruajtur si gje te shtrenjte -me tha, e kane vlera se flitet per njerez qe aq shume e kane dashur Atdhene.

DY EMRA -NJE SHPIRT / NGA DR. JANI DILO

....Deshmoret nuk dallohen njeri nga tjetri. Sikurse drita e bardhe e Diellit ,qe esht e perbere nga shume ngjyra te bashkuara,ashtu edhe deshmoret te bashkuar perbejne driten e bardhe ,te shndriteshme , driten qe ndricon rrugen e lirise se Atdheut.

Sot do te kujtojme dy martire,vecanerisht te skalitur ne zemrat tona , sepse i kemi njojtur personalisht: Kole Tromaren dhe Bahri Omarin. Dy emra ,nje ide e vetme ; dy trupa,nje shpirt i vetem. Popujt ,fytyrat e Deshmorevet i skalisin ne gur te mermerte per te perjetesuar kujtimin e tyre dhe per t'ua dhene trashegim brezave te ardhshem.

Kole Tromara dhe Bahri Omari nuk kane ne Atdhe asnje permendore. Emrat e tyre nuk jane skalitur ne asnje pllake mermeri ose bronci ,por ndodhen ne zemrat dhe mendjen tone; emrat e tyre ne i kendojme te shkruar dhe te qendisur ne krahet e Shqiponjes Shqiptare.

Kole Tromara dhe Bahri Omari kane qene nga themelonjesit e Vatres se Amerikes krah per krah me Pecin, me Nolin dhe me Konicen. Kur , pas Luftes se Pare Boterore , Shqiperia doli me te vertete me vete "per inat te djallit e te armikut" si thote poeti,Kole Tromara dhe Bahri Omari u kthyen ne Atdhe dhe u vune ne sherbim te Tij.

Vazhduan , me fjale te tjera sherbimin ne paqe e ne qetesi per perparimin e shpejte te vendit, i cili ,i shtypur gjate qindra vjetesh, kishte mbetur pas. Kole Tromara si prefekt ne Gjirokaster ne vitin 1920,ka qene nga qeveritaret me te shquar e me te holle , duke vepruar ne ate kohe akoma te rrezikeshme.

Ne Gjirokastren e shenjte e te shtrenjte per gjithe shqiptaret , ne Gjirokastren e Cercizit si ne Korcen e Themistokli Germenit dhe te Mihal Gramenos ,njihesh mire Kole Tromara ,patriot i shquar, goje-embel, paqedashes dhe shqiptar i kulluar.

Me vone te dy Kole Tromara e Bahri Omari,ndodhen ne Parlamentin e Pare te Kombit tone per te mbrojtur gjene me te shtrenjte, pas lirise se Atdheut, lirine e popullit.

Ne fund te vitit 1924 detyrohen te dy te mergohen ne dhe te huaj dhe pas pushtimit fashist, qe aq i hidhur na ka mbetur ne zemer, kthehen si nenshtetas te thjeshte privat ne vatanin e helmuar.

Ne moshe te shkuar qe te dy, nuk i ka mposhtur asnje fat i keq, nuk jane lodhur nga rruga e gjate plot lot e mergimit dhe fatkeqesive.

I pervishen punes perseri,i vihen nje detyre te re dhe mbase shume me te rende se cdo detyre tjeter qemoti: clirimi i Atdheut te lidhur me prangat e zeza te nje fashizmi gjithmone me te pangopur.

Qe te dy perkrah Lumo Skendos , te dy flamurtare, te dy trima, te dy kandidate therore , kandidate deshmore: vetem per Shqiperine dhe asgje tjeter. Komunistet , kur i cuan te lidhur ne sallen e kasaphanes , nje gje kishin ndermend dhe thane: "Keta te dy populli i quan patriote. Ne do t'i poshterojme dhe do t'i akuzojme per cdo gje te pandereshme..."
Po me kot . Me sa njolloset xhevairi, aq njolloset nje patriot. ...
....Xhelati mbeti i shtanget, si i ngrire. Ngriti doren perpjete dhe donte te thoshte :"Zjarr", por asnje ze nuk doli nga goja e tij, vetem buzet levizi.

Dhe Kole Tromara e Bahri Omari thirren me ze te larte:"Rrofte Shqiperia!" Nje batare plumbash i shpoi tej per tej. Brenda ne varr rane dy trupa, nje zemer, nje shpirt, nje ideal.

Vellezer e motra, Keshtu vdesin Deshmoret!

Te cohemime kembe per nderuar kujtimin e tyre. Te jemi kryelarte qe kemi lindur ne token Shqiptare, sepse nje toke si kjo qe ka pjelle Kole Tromaren e Bahri Omarin ,esht e shenjte,nje toke qe nuk mund te jete kurre e roberuar.

Dhe ne kete dite perkujtimore , nderin me te madh qe mund te tregojme ndaj Deshmoreve tane, esht te therrasim edhe ne si KOLE TROMARA E BAHRI OMARI:"RROFTE SHQIPERIA!”

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30