Arrestohet një oficer, informonte Dajtin. Tre zyrtarë policie, ende të lirë

Arrestohet një oficer, informonte Dajtin.

Tre zyrtarë policie, ende të lirë
Shekulli Online | 23/11/2009

http://www.shekulli.com.al/2009/11/23/dajti-kerkohet-videoja-e-masakres.html

Eshtë arrestuar në orët e paradites së sotme oficeri i policisë së Durrësit, Marenglen Muça, i cili dyshohet se ishte informator i Dritan Dajtit.

Marenglen Muça, punonte si inspektor policie në zonën e plazhit, pikerisht aty ku ndodhi tragjedia, diten qe u kap Dajti.

Ai u arrestua në Tiranë pas një hetimi nga Shërbimi i Kontrollit të Brendshëm dhe Prokuroria e Krimeve të Rënda, nderkohe që Gjykata e Durresit në baze te provave dha masen e sigurise "arrest me burg".

Paraprakisht thuhet se Muça informonte Dajtin, kur i shumëkerkuari i policise ishte në arrati.

Dritan Dajti u arrestua nga policia ne gusht te ketij viti, por operacioni shkaktoi 5 viktima, kater prej te cileve oficere te policise.

Egzistenca e disa numrave telefonike te policise ne komunikimet e fundit te Dritan Dajtit para masakres, u paralajmerua nga gazeta Shekulli në disa artikuj investigativë.
Ne shkrimet mbi masakren ne Shekulli, jane edhe provat mbi nje telefonate paralajmeruese vetrem 20 minuta para masakres. Mareglen Muca eshte vetem nje nga punonjesit e policise te implikuar. Jane edhe te pakten tre funksionare te tjere policore qe komunikonin me Dajtin.

Rrethanat dhe arsyet e mospergatitjes profesionale ne aksionin policor per kapjen e Dajtit ende nuk jane zbardhur plotesisht megjithe premtimet e shefit te qeverise, ne takimet e tij me familjaret e viktimave te masakres.

Ne 27 tetor te ketij viti, policet e vrare në arrestimin e të shumëkërkuarit Dritan Dajti në Durrës u dekoruan. Ministri i Brendshem Basha deklaroi se qeveria do të trajtoje financiarisht familjet e policeve te rene ne krye te detyres, si dhe premtoi nisjen e punes per caktimin e statusit te punonjesit te forcave te rendit.

"Do të mundësojmë sigurimin e të ardhurave derisa fëmijët e policëve të mbushin moshën madhore" u shpreh Basha.