Dega e LDD-së në Zvicër ngushëllon familjen Çekaj

Dega e LDD-së në Zvicër ngushëllon familjen Çekaj



E nderuar familje e Sali Çekajt, me pikëllim mësuam lajmin për vdekjen e nënës që lindi njërin nga njerëzit më të shquar të historisë më të re të Kosovës - heroin e kombit Sali Çekaj. Sali Çekaj realizoi atë që ishte ëndërr një shekullore e të gjithë shqiptarëve patriotë, atë ëndërr për të cilën jetuan dhe u sakrifikuan shumë gjenerata të kombit shqiptar. Sali Çekaj theu përfundimisht kufirin famkeq, që kishte ndarë përgjysëm trupin e kombit shqiptar. Vdekja e nënës së heroit të kombit Sali Çekaj na shkaktoi ndjenja të përziera të dhimbjes, pikëllimit dhe krenarisë.
E nderuar familje e Sali Çekajt, na lejoni që t’u shprehim ndjenjat tona më të sinqerta të ngushëllimit për humbjen e nënës suaj. Njëkohësisht na lejoni që të shprehim konsideratën me të madhe si dhe nderimin tonë më të madh për këtë nënë, e cila ia dha Kosovës një njeri kaq të madh.
Për degën e LDD-së në Zvicër, Zize Pepshi, kryetare