Skender Zogaj:Urim për festën e flamurit‏

Skënder Zogaj


I nderuari miku im,

Kam kënaqësinë që t'ua drejtoj urimet më të ngrohta dhe më të sinqerta me rastin e 28 Nëntorit - Festës së Flamurit kombëtar, me shpresën se, kombi ynë do të bëjë përpjekje më të mëdha për ta dashur dhe respektuar seriozisht shenjën më emblematike të shqiptarizmës: Flamurin e kuq me shkabën e zezë! që është më i pashoqi në botë - me sakrificat e mëdha dhe dinjitetin e gjakderdhjes historike për mbrojtjen e tij. Janë faktet historike të pamohueshme që dëshmojnë.
Prandaj -
Dua të besoj se, ditët e mira paskëtaj do të vijnë dhe se, valëvitja e këtij Flamuri do të zgjerohet gjithandej nëpër të gjitha tokat shqiptare.
Miku im, unë mendoj se kjo nuk mund të arrihet me flamuj të shpifur dhe himne bastarde, (si në Kosovës). Dhashtë zoti që të mos kemi kurrë më shqiptarë që djegin flamuj me shqiponja dhe që ulin bishtin e kurrizin dhe u bëjnë temena me duartrokitje himneve te tradhëtisë dhe duke i puthur cepat e flamujve të turpit.
Likesirat e këtilla për fatin tonë të keq janë brenda nesh.
Mirëpo -
Flamuri i Skenderbeut dhe i Ismail Qemalit, jam i bindur, është më i fortë se të gjitha ligësirat që i dalin përpara. Prandaj, nga thellësia e zemrës le të urojme:
Rroftë flamuri kuq e zi në zemrat e vërteta shqiptare!
Miku im, duke ju uruar, Festen e shenjtë të Flamurit, me lejo t'ju ftoj që me besë e nder t"i shërbyer gjithënjë, sinqerisht dhe seriozisht Flamurit Shqiptar!

Me shumë nderim, i juaji -
Skender Zogaj