Edi Gashi: Tri lirika

Edi Gashi: Tri lirika1.

E nisa lirikën ,... nuk i dua rimat
pa zë do të hyj në brenditë e heshtjes
pjerrtas le të bijnë rrezet mbi ngricën
bryma le të shkojë nga shtati i luleve
që rënkojnë e zverdhen me klithma
ku mbeti bukuria dhe era ...


2.

Në bishtin e lahutës fushat e zërit
presin telat të koordinojnë ritmin
të përthyhen gështrinjtë për të jehuar
këga e nizamëve që e pritën ditën
të kthehen me thinja mbuluar në kokë
ku ngelën nuset e mbuluara në zi...

3.

Kush i prishi notat e pentagramit
çka u shkrua në librin e fatit
përse ia hapi dyerët zezonës që ra
të ngatërrojë bardhësinë e rritës
dhe të shkrumojë gjithë mirësinë
që kurrë se kuptuam se ishte mes nesh...

Edi Gashi

III. Tri lirika

1.

Jehonë ! Kushtrimi mbi të vdekurit bie
ata që prehen të qetë në fotelje
dhe brejnë si minjtë pasurine e popullit
të krijojnë modën, tiraninë
të duken të pashëm nga pamja e jashtme
se shpirtin djalli ua mori ...!


2.

I shikoni yjet e zbrazët në foltore
vezullimë vdekjeje u del nga gjymtyrët
kanë krijuar skeqe dhe aktrojnë
të jenë të zgjedhur për të bërë djallëzi
se bota na do të jemi shkurtabiqë
e vetveten si viganë ta vrasim ...!

3.

Kush i sterkeq gjithe këto pamje
kush i ngul themelet e ndarjes së unit
se nuk jemi një , është kërkesa
djajtë e mbjellin në ugarin e ndasisë
të ndjehemi të huajë në Prishtinë e Tiranë
sikur s'na ka lindur nje nanë ...!