Bashkëshortja e Abedin Rexhës ngre padi kundër deputetit Geci

Bashkëshortja e Abedin Rexhës ngre padi kundër deputetit Geci




Geci tha se " e gjithë kjo tani është kundërpërgjigje e SHIK-ut ndaj CD-së që e zbulova".
Sanie Rexha, bashkëshortja e Sabedin Rexhës-Sandokani, ka ngritur padi penale pranë EULEX-it kundër deputetit të Lidhjes Demokratike të Dardanisë (LDD) Gani Geci, për vrasjen e bashkëshortit të saj , Sabedin Rexha më 8 tetor të vitit 1998. E pyetur se pse nuk ka ngritur padinë deri më tash, Rexha ka thënë se ka pasur të tjera qëllime, ndërsa ngritjen e padisë e nuk e ka bërë vetë nën ndikimin e askujt. Për më tepër, Rexha ka pranuar se ka lidhje të afërt familjare me Gani Gecin, ndaj të cilit ka ngritur padinë për vrasjen e bashkëshortit të saj, andaj tash gjykata duhet të merret me këtë çështje. Duke mohuar të ketë pasur ndonjë konflikt të mëhershëm, Rexha ka thënë se sipas saj arsyeja e vetme e vrasjes së bashkëshortit të saj ka qenë se Gani Geci ka qenë kundër UÇK-së. Rexha ka kërkuar nga krerët e institucioneve të Kosovës, presidenti Fatmir Sejdiu, kryeministri Hashim Thaçi, kryeparlamentari Jakup Krasniqi që ta zbardhin rastin dhe të mos lejojnë, siç u shpreh ajo, që " një kriminel të jetë pjesë e Parlamentit të Kosovës". * * * Ndaj akuzave të Sanije Rexhës, ka reaguar deputeti i Lidhjes Demokratike të Dardanisë, Gani Geci, i cili ka thënë se nuk e din nëse ai është vrasës i Abedin Rexhës, pasi që në këtë konflikt ka pasur shumë persona të involvuar. Ai ka pranuar të ketë shtënë me armë zjarri ditën kur ka ndodhur vrasja. Geci ka thënë se rastin e ka paraqitur në Shtabin e Përgjithshëm të ish UÇK-së, ndërsa pas luftës gjithë dokumentacionin që ai e ka ia ka dorëzuar Sylejman Selimit dhe Sami Lushtakut. Deputeti Geci tha se është i gatshëm të ballafaqohet me drejtësinë ndërkombëtare në Hagë nëse vërtetohet se ai e ka vrarë Abedin Rexhën. Geci tha se " e gjithë kjo tani është kundërpërgjigje e SHIK-ut ndaj CD-së që e zbulova".