Tritol linjës së tensionit të lartë Shkodër-Elbasan

Tritol linjës së tensionit të lartë Shkodër-Elbasan



Persona të panjohur kanë vendosur një sasi eksplozivi në njërën nga shtyllat e linjës se tensionit të lartë 220 kilovolt Shkodër-Elbasan.
Policia thotë se eksplozivi, i llojit tritol, ishte vendosur gjatë natës në shtyllën 220 kilovoteshe që ndodhet afër fshatit Prezë të Tiranës.
Operatori i Sistemit të Shpërndarjes informon se shpërthimi ndodhi rreth orës 22.00 të mbrëmjes së të hënës. Sipas policisë nga shpërthimi është dëmtuar njëra anë e shtyllës, e gjatë 8 metra.
Ekspertë të policisë së Tiranës dhe të skuadrës së antiterrorit kane mbërritur në vendngjarje dhe kanë nisur veprimet procedurale. Nga shpërthimi nuk ka të lënduar në njerëz, ndërsa raportohen se janë thyer xhamat e dritareve në banesat përreth zonës. TVNews24 meson se shperthimi eshte dëgjuar edhe në Fushë- Krujë.
Demtohet linja 220kv
Linja 220 kv Koman-Elbasan është dëmtuar si pasojë e vendosjes së një sasie tritoli, njoftuan sot ne mesdite burime zyrtare të Operatorit të Sistemit të Transmetimit (OST). Sipas tyre, sasia e tritolit ka dëmtuar disa elementë të rëndësishëm të shtyllës, por dëmtimi i saj nuk do ndikojë në furnizimin me energji elektrike të zonave që furnizohen nga linja Koman-Elbasan
Ndërkohë specialistët e Korportës Elektroenergjitike Shqiptare, (KESH) janë angazhuar për riparimin e shtyllës së tensionit të lartë që ka mbetur e dëmtuar.
Disa banorë të zonës janë shoqëruar si të dyshuar për vendosjen e sasisë së tritolit në shtyllën e tensionit te larte.