Adem Zaplluzha:SI NË SHKËMB STËRKALA‏

Adem Zaplluzha

SI NË SHKËMB STËRKALA

Mërgimtarëve të mi


Edhe burri
Sikurse guri
Më pak peshon
Në mërgim
Por vetëm malli
Vjen duke u rritur
Pakësohet çdo shpresë
Tretet çdo gëzim

Nuk po kullet
Sonte sharkia
Athua vallë
Telat janë ndryshkur
Sa shpejtë na vajti
Këtu rinia
Mbetëm të vetëmuar
Të sëmurë e të mykur

Asnjë dallëndysh
Më nuk na njeh
Ecum rrugëve
Fare pa takat
Era e fortuna
Pa pra po na rreh
Zbehemi e tëkurremu
Këtu për çdo natë

Diku larg në Jug
Athua ç'po ngjanë
Në qoshe të sofrës
Na pret një lugë
Me mall të pashuar
Gjëmon një babë
Me lotë rrëke
Ç'mallet një nënë

Guri si burri
Këtu në mërgim
Nuk paska peshë
Shpirti im
E dhembja vjen
Rritet si kala
Tretem e ç'bëhem
Si në shkëmb stërkala


Adem Zaplluzha