Shoqata e Shkrimtareve Shqiptaro-Amerikane uron prof.Peter R.Priftin

nga **Agim Gashi** Mon Dec 28, 2009 3:14 pm

Shoqata e Shkrimtareve Shqiptaro-Amerikane uron prof.Peter R.Priftin

Të nderuar bashkatdhetarë në Diasporë dhe Mëmëdhe,

Shoqata e Shkrimtarëve Shqiptaro-Amerikanë i uron profesor Peter R. Priftit 85-vjetorin e ditëlindjes së tij.

Profesor
Peter R. Prifti është jo vetëm anëtar i shoqatës sonë, por dhe një mik
i madh i Shoqatës së Shkrimtarëve në Amerikë i cili me diturinë dhe
urtësinë e tij ka shuar paksa etjen e shumë shkrimtarëve dhe
bashkatdhetarëve, veçanerisht rreth historisë së Diasporës në Amerikë
që fillon pikërisht me shoqatën “Vatra” dhe gazetën “Dielli”, ku prof.
Peter R. Prifi punoi dhe dha një kontribut tepër të çmuar për një kohë
të gjatë.

Ai ka qenë një mik i ngushtë i Fan S Nolit dhe punoi me mish e shpirt për Kombin shqiptar.

Duke
lexuar vazhdimisht shkrimet, përkthimet dhe kritikën e profesor Priftit
ai të le përshtypjen sikur është ndikuar fuqimisht nga filozofia e
dijetarit Fridrih Niçe, që vinte mbi çdo gjë forcën e vullnetit të
paepur.

Profesor
Peter R Prifti është dritë diturie, është dritë që çliron robërinë e
padijes dhe një titanik i kujtesës historike ku ngre në zenit nderimin
e çmuar.

Portreti
i tij është portreti i një shqiptari të vërtetë që edhe pse ka ardhur
tepër i ri në Amerikë, ai s’pushoi kurrë së menduari dhe punuari për
Shqipërinë.

Dashuria
për Rehoven e Kolonjës, Shqipërinë, Kosovën dhe Çamërinë, është tharmi
i substancës së shpirtit të atdhetarit të shquar prof.Peter R. Priftit.

Veprimtaria
e tij shoqërore dhe intelektuale nuk e ndal rrjedhën kurrë, por do të
jetë një burim i pashtershëm për brezat e ardhshëm.

Puna e tij është një dëshmi e gjallë e historisë sonë, e për rrjedhojë na bën që të ndjejmë dhe ekzistencën tonë larg Mëmëdheut.

Është
fatlum ai njeri që punon pa u lodhur për kombin e tij, dhe akoma më
fatlum është kur veprat e tij lexohen me ëndje dhe frymëzojnë lexues të
shumtë të të gjitha kohërave.

Profesor
Peter R. Prifti ia ka arritur këtij qëllimi fisnik dhe Shoqata jonë
është tepër krenare që ka në gjirin e saj anëtar dhe dijetar si
prof.Peter R. Prifti!

I
dhurojme urimet më të mira dhe respektin e pakufishëm për punën e tij
aq të vyer dhe të çmuar për kombin shqiptar dhe gjuhën e ëmbël shqipe,
si një gjuhëtar i mirëfilltë.

Duke
përkujtuar Ditelindjen e tij, i japim dhe më shumë kuptim jetës dhe e
bëjmë më të prekshme dashurinë e bashkatdhetarëve tanë në Diasporë për
Mëmëdheun tonë, zgjojmë dhe trokasim kujtesën tonë për të vlerësuar dhe
rivlerësuar figurat e ndritura të Kombit, ku një prej tyre është i
nderuari profesor Peter R. Prifti.

Me nderime,

President, Kryetar

Adnan Mehmeti Dalan Luzaj

Stamford, CT, dhjetor, 2009

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30